سپریم کورٹ اے پی ایس کیس کی طرح ڈسکہ دھاندلی کیس میں بھی وزیراعظم کو طلب کرے
احسن اقبال نے میڈیا سے گفتگو میں مزید کہا کہ رپورٹ میں کہا گیا ہے کہ انتظامیہ دھاندلی میں ملوث تھی . نیازی صاحب ، یورپ، برطانیہ کی مثالیں دیتے ہیں . ڈسکہ رپورٹ برطانیہ میں سامنے آتی تو وزیراعظم ذمہ داری قبول کرتا . انہوں نے کہا کہ سپریم کورٹ وزیراعظم اور وزیراعلیٰ پنجاب کو طلب کریں . ڈسکہ رپورٹ کے بعد حکومت کے ساتھ رعایت نہیں ہونی چاہئیے . دھاندلی کے ذمہ داروں کو سزا دی جائے کس ای وی ایم کی ضرورت نہیں . احسن اقبال نے مزید کہا کہ عمران خان توشہ کیس میں چھپ رہے ہیں . عمران خان کیوں نہیں بتاتے کہ کس نے کیا تحفہ دیا . عمران خان سے صرف پوچھا گیا کہ کیا تحفہ ملا یہ بتا دیں . عمران خان حکومت نے غیر ملکیوں تحفوں میں گھپلا کیا ہے . پی ٹی آئی حکومت نے گھپلا نہیں کیا تو تحفوں کے بارے میں قوم کو بتائے . انہوں نے کہا کہ مجھ سے کم از کم ٹیکس دینے والا 300 کنال کے محل کا خرچہ کیسے پورا کرتا ہے . سب کو چور ڈاکو کہنے والے اے ٹی ایمز مافیا سے پیسے لے کر اپنے خرچے پورے کرتا ہے . احسن اقبال نے مزید کہا کہ لاہور پر ڈینگی کا حملہ جاری ہے اور بازار سے پیناڈول اور پیراسیٹامول کی گولیاں غائب ہیں . ڈینگی کے مریضوں کو بخار کے علاج کی گولیاں کیوں نہیں مل رہیں . عمران خان شکست تسلیم کریں اور ریٹائرڈ ہرٹ ہونے کا اعلان کر دیں . قبل ازیں احسن اقبال نے کہا کہ 2018 کے الیکشن میں عوام نے ثابت کیا کہ عوام اسکو ووٹ ڈالتی ہے جو انکی خدمت کرتا ہے،تین سالوں میں عوام نے دیکھ لیا کہ یہ حکومت صرف باتیں کر سکتی ہے کام کرنا انکے بس میں نہیں ہماری حکومت جہاں ترقیاتی منصوبے چھور کے گئی تھی یہ حکومت اس سے آگے ایک اینٹ بھی نہ لگا سکی آج لوگ جوک در جوک مسلم لیگ میں واپس شامل ہو رہے ہیں . احسن اقبال نے مزید کہا مجھے یقین ہے جلد یہ حکومت بدلے گی عوام پہلے سے بھی زیادہ مسلم لیگ کو ووٹ دے کر کامیاب کرائے گی میں ان تمام ساتھیوں کا شکریہ ادا کرتا ہوں جنہوں نے مسلم لیگ میں شمولیت اختیار کی اور مسلم لیگ پر اعتماد کا اظہار کیا . . .
