خالی پیٹ لہسن کھانے سے کیا ہوتا ہے؟

اسلام آباد (قدرت روزنامہ)لہسن صرف ہمارے کھانوں کو مزیدار ذائقہ ہی نہیں دیتا بلکہ سائنس کا کہنا ہے کہ یہ بیماریوں کے خلاف ادویاتی خُوبیوں کا حامل ہے . سائنس کی تحقیقات جہاں لہسن کی افادیت کو تسلیم کرتی ہیں وہاں ان تحقیقات کے نتائج ثابت کرتے ہیں کہ قدیم یونان، فارس، رومن اور چین وغیرہ کے معالجین کا لہسن کے متعلق نقطہ نظر بھی بلکل درُست تھا .

لہسن چربی کے ذخیرے کو کم کرنے اور وزن گھٹانے میں مفید ہے، لہسن میں مانع تکسید اجزاء پائے جاتے ہیں جو بیکٹیریا کا خاتمہ کرتے ہیں . بہت سی بیماریوں کے علاج کے لئے ماہرین لہسن کو خالی پیٹ کھانے کا بھی مشورہ دیتے ہیں . لہسن کو خالی پیٹ کھانے سے پیٹ میں موجود بیکٹیریا پیٹ خالی ہونے کی وجہ سے بہت کمزور ہو چکا ہوگا اور یہ لہسن کی طاقت کے خلاف لڑ نہیں پائے گا جس سے آپ کئی بیماریوں سے محفوظ رہ سکیں گے . اگر خون کی شریانیں بند ہونے لگیں تو روزانہ خالی پیٹ لہسن کا استعمال کریں کیونکہ یہ کولیسٹرول کی سطح کو کم کرنے میں بھی مؤثر ہے . لہسن کا نہار منہ استعمال بھوک کو بہتر بناتا ہے اور ہاضمے کے عمل کو مضبوط کرتا ہے . علاوہ ازیں لہسن اْن بہترین عناصر میں سے سمجھا جاتا ہے جو انسانی جسم کو زہریلے مواد سے محفوظ رکھتا ہے . . .