اٹلس ہونڈا نے پاکستان میں نیا ہونڈا پریڈیٹر ماڈل متعارف کروا دیا

اسلام آباد(قدرت روزنامہ)اٹلس ہونڈا نے پاکستان میں ہونڈا پریڈیٹر کا نیا ورژن متعارف کروا دیا ہے۔
کمپنی کے مطابق یہ ماڈل خاص طور پر ایندھن کی بچت اور آرام دہ سواری کے لیے ڈیزائن کیا گیا ہے۔ کمپنی نے پریڈیٹر کو ایک مستحکم اور آسانی سے چلنے والی موٹر سائیکل قرار دیا ہے جو روزمرہ کے استعمال کے لیے موزوں ہے۔
تاہم، اس نئے ماڈل میں انجن، پرفارمنس، فریم، سسپنشن یا دیگر مکینیکل تبدیلیاں شامل نہیں ہیں۔ تکنیکی خصوصیات پرانے ماڈل جیسی ہی ہیں۔ نیا ماڈل 211,900 روپے میں دستیاب ہے۔
یہ اپ ڈیٹ صرف گرافکس اور اسٹیکرز کے نئے ڈیزائن تک محدود ہے۔ موٹر سائیکل کی مجموعی شکل اور احساس میں کوئی تبدیلی نہیں کی گئی۔
اس سال کے آغاز میں اٹلس ہونڈا نے ہونڈا CB125F کا بھی نیا ماڈل متعارف کرایا تھا، جو صرف ظاہری تبدیلیوں کے ساتھ آیا تھا۔