آپ کا شناختی کارڈ آپکے گھر کی دہلیز پر! مگر کیسے؟ نادرا موبائل وین سروسز کا شیڈول سامنے

اسلام آباد(قدرت روزنامہ)نیشنل ڈیٹا بیس اینڈ رجسٹریشن اتھارٹی (نادرا) نے شہریوں کو ان کی دہلیز پر شناختی خدمات فراہم کرنے کے لیے موبائل وین رجسٹریشن سروسز کا نیا شیڈول جاری کر دیا ہے جس کے تحت مختلف علاقوں میں مقررہ تاریخوں پر موبائل یونٹس کے ذریعے رجسٹریشن اور دیگر سہولیات فراہم کی جائیں گی۔

شیڈول اپریل 2026 کے مختلف دنوں پر مشتمل ہے جس میں شہریوں کو قریبی علاقوں میں جا کر شناختی کارڈ سے متعلق خدمات حاصل کرنے کا موقع دیا جائے گا۔

اسلام آباد زون

اسلام آباد کے لیے جاری کردہ شیڈول کے مطابق موبائل وین سروسز مختلف مقامات پر 20 اپریل سے 25 اپریل 2026 تک دستیاب ہوں گی۔ ان کیٹیگریز میں شہریوں کو مختلف دنوں میں سہولیات فراہم کی جائیں گی جن میں نئے شناختی کارڈ کا اجراء، معلومات کی تصحیح اور

دیگر رجسٹریشن سروسز شامل ہیں

یہ سروسز مخصوص مقامات پر متعین تاریخوں کے مطابق فراہم کی جائیں گی تاکہ شہریوں کو دفاتر جانے کی زحمت نہ اٹھانی پڑے۔

راولپنڈی / کشمیر زون

راولپنڈی اور کشمیر زون میں بھی موبائل وین سروسز کا شیڈول جاری کیا گیا ہے جس کے مطابق

20 اپریل سے 25 اپریل 2026 تک مختلف علاقوں میں موبائل وینز تعینات ہوں گی

شہریوں کو موقع پر ہی شناختی کارڈ اور رجسٹریشن سہولیات فراہم کی جائیں گی

یہ خدمات مختلف کیٹیگریز کے تحت ترتیب دی گئی ہیں تاکہ ہر علاقے تک آسان رسائی ممکن ہو سکے۔

نادرا حکام کے مطابق موبائل وین سروسز کا بنیادی مقصد شہریوں کو ان کے گھروں کے قریب سہولت فراہم کرنا ہے تاکہ طویل قطاروں سے بچا جا سکے، دور دراز علاقوں کے شہریوں کو آسانی ہو اور رجسٹریشن کے عمل کو مزید تیز اور مؤثر بنایا جا سکے۔

شہریوں کو ہدایت

حکام کی جانب سے شہریوں کو ہدایت کی گئی ہے کہ وہ اپنے متعلقہ علاقے اور مقررہ تاریخ کے مطابق موبائل وین سے رجوع کریں تاکہ سروسز بروقت اور منظم انداز میں حاصل کی جا سکیں۔