محمد رضوان T20 پلیئر آف دی ایئر کیلئے نامزد

اسلام آباد (قدرت روزنامہ)آئی سی سی نے ٹی ٹوئنٹی انٹرنیشنل پلیئرز آف دی ایئر کی نامزدگیوں کا اعلان کردیا۔انٹرنیشنل کرکٹ کونسل (آئی سی سی) کی جانب سے ٹی ٹوئنٹی پلیئر آف دی ایئر کے لیے چار نامزد کھلاڑیوں میں پاکستانی وکٹ کیپر بیٹر محمد رضوان کا نام بھی شامل ہے۔

🇦🇺 A T20 World Cup champion
🇱🇰 A terrific all-rounder
🇵🇰 🏴󠁧󠁢󠁥󠁮󠁧󠁿 Two stylish wicketkeeper-batters

It was a year to remember for these superstars who have been nominated for the ICC Men’s T20I Player of the Year 2021 💥

⬇️ ⬇️

— ICC (@ICC) December 29, 2021

محمد رضوان کے علاوہ اس فہرست میں انگلینڈ کے جوز بٹلر ، سری لنکا کے ہسارنگا اور آسٹریلیا کے مچل مارش شامل ہیں۔محمد رضوان نے رواں برس 29 میچوں میں 73.66 کی اوسط سے ایک سنچری کے ساتھ 1ہزار 326 رنز بنائے۔
پاکستان کے وکٹ کیپر بیٹر نے رواں برس انٹرنیشنل ٹی ٹوئنٹی کرکٹ فارمیٹ میں راج کیا۔انہوں نے آئی سی مینز ٹی ٹوئنٹی ورلڈ کپ 2021 کے دوران پاکستان ٹیم کو سیمی فائنل میں پہنچانے میں کلیدی کردار ادا کیا۔
ٹی ٹوئنٹی ورلڈکپ میں وہ تیسرے سب سے زیادہ رنز بنانے والے کھلاڑی بھی بنے۔پلیئر آف دی ایئر کا انتخاب ووٹوں کے ذریعے ہوگا جس میں شائقینِ کرکٹ سال کے بہترین کھلاڑی کا انتخاب کریں گے، ایوارڈز کا اعلان 24 جنوری کو ہو گا۔