وزیراعلیٰ بلوچستان نے سبی میں فائرنگ کے واقعے کا نوٹس لے لیا

کوئٹہ(قدرت روزنامہ)وزیراعلیٰ بلوچستان میر عبدالقدوس بزنجو نے سابق نگران وزیراعلی بلوچستان نواب غوث بخش باروزئی کے بھائی نوابزادہ بارو خان باروزئی کے کانوائے پر فائرنگ کے واقعہ کا نوٹس لیتے ہوئے واقعہ کی رپورٹ طلب کرلی ہے جبکہ انہوں نے ڈی آئی جی سبی کو واقعہ میں ملوث عناصر کی گرفتاری یقینی بنانے کی ہدایت کی ہے وزیراعلیٰ نے واقعہ میں جانی نقصان اور نوابزادہ بارو خان باروزئی کے زخمی ہونے پر دکھ اور افسوس کا اظہار کیا ہے وزیراعلیٰ نے انکی جلد صحتیابی کے لئے نیک خواہشات کا اظہار بھی کیا ہے