لاہور (قدرت روزنامہ)رکن پنجاب اسمبلی اور مسلم لیگ نون کی رہنما حنا پرویز بٹ بھی پی پی رہنما شرمیلا فاروقی کے حق میں بول پڑیں۔مائیکرو بلاگنگ سائٹ ٹوئٹر پر جاری کیے گئے بیان میں حنا پرویز بٹ نے کہا کہ ’نادیہ خان کی طرف سے شرمیلا فاروقی صاحبہ کی والدہ کا مذاق اڑانا انتہائی قابل مذمت اور شرمناک ہے۔‘
حنا پرویز بٹ نے نادیہ خان سے مخاطب ہوتے ہوئے سوال کیا کہ ’آپ کو کس نے حق دیا کہ آپ دوسروں کا سوشل میڈیا پر مذاق اڑائیں؟‘اُنہوں نے مزید کہا کہ ’یہ چیز بالکل ناقابلِ برداشت ہے اور ہم شرمیلا فاروقی کے ساتھ کھڑے ہیں۔‘
حنا پرویز بٹ کی حمایت پر شرمیلا فاروقی نے اُن کا شکریہ بھی ادا کیا۔
اداکارہ صبور علی اور علی انصاری کی شادی کے موقع پر نادیہ خان نے انیسہ فاروقی کے ساتھ ویڈیو بنائی جس میں وہ رکن سندھ اسمبلی کی والدہ سے ٹرولنگ کرنے کے انداز میں سوالات کر رہی تھیں۔
نادیہ خان نے انیسہ فاروقی سے پوچھا تھا کہ آپ کا میک اپ کون کرتا ہے اور ان کے ملبوسات کس کی پسند ہوتی ہیں۔ جس پر انیسہ فاروقی نے اپنی بیٹی شرمیلا فاروقی کا نام لیا تھا۔شرمیلا فاروقی کی والدہ کے ساتھ اس سوالات و جوابات پر مبنی ویڈیو سوشل میڈیا پر وائرل ہوگئی جس کے بعد نادیہ خان پر تنقید کا نہ ختم ہونے والا سلسلہ شروع ہوگیا۔
دوسری جانب گزشتہ روز شرمیلا فاروقی نے نادیہ خان کی جانب سے والدہ انیسہ فاروقی کی ٹرولنگ کرنے پر سائبر کرائم کے دفتر میں شکایت درج کروا دی۔
راولپنڈی (قدرت روزنامہ)راولپنڈی میں تھانہ مندرہ کی حدود میں شادی میں ہوائی فائرنگ سے ایک…
اسلام آباد (قدرت روزنامہ ) وزیراعظم شہباز شریف نے نگران حکومت میں گندم کی درا?مد…
لاہور (قدرت روزنامہ) قومی فاسٹ بولر شاہنواز دہانی کا شمار ایسے کھلاڑیوں میں ہوتا ہے…
لاہور(قدرت روزنامہ)پنجاب سیف سٹیز نے لاہور میں وزیراعلی پنجاب مریم نواز فری وائی فائی سروس…
ممبئی(قدرت روزنامہ) بالی ووڈ کی معروف اداکارہ و ماڈل اروشی روٹیلا نے قومی کرکٹ ٹیم…
لاہور(قدرت روزنامہ) امیر جماعت اسلامی پاکستان حافظ نعیم الرحمن سے محمود اچکزئی اور اسد قیصر…