اسلام آباد (قدرت روزنامہ)سیب کھانے کے فائدے بےشمار ہیں اور اسے پابندی سے کھانے والے افراد بہت سی مہلک بیماریوں سے بچے رہتے ہیں . سیب کا استعمال انسان کو چست اور تندرست رہنے میں مدد کرتا ہے اور اس سے جسم کی توانائی میں بھی اضافہ ہوتا ہے .
علاوہ ازیں سیب کا باقاعدہ استعمال ذیابیطس کے خطرے کو کم کرنے میں مدد فراہم کرسکتا ہے . اس حوالے سے مختلف مطالعے کیے گئے ہیں اور تحقیقات بھی ہوئیں جس سے معلوم ہوا ہے کہ سیب ذیابیطس کے مریضوں کے لئے بہت فائدے مند ہوسکتا ہے .
اس سے معلوم ہوا ہے کہ ٹائپ 2 ذیابیطس کے مریضوں میں خون میں شوگر کے اضافے کو روکتا ہے جبکہ اس سے ہونے والے خطرات کو بھی بہت حد تک کم کرتا ہے . سیب میں موجود زنک، آئرن اور ٹریس میٹلز ذیابیطس کے مریضوں کو انکی شوگر قابو کرنے میں مدد دیتا ہے .
علاوہ ازیں سیب کا استعمال ہائ بلڈ پریشر کے مریض بھی بہت آسانی سے کرسکتے ہیں کیونکہ یہ پیدا ہونے والے خطرات میں فائدے مند ثابت ہوتا ہے . دوسری جانب سیب کا استعمال آنتون کے لئے بھی بہت مفید ثابت ہوتا ہے کیونکہ اس سے قبض اور دیگر بیماریاں ہونے کے خدشات بہت کم ہوجاتے ہیں .