پی سی بی پر جیمز فالکنر کی عدم ادائیگی کے الزام کی اندرونی کہانی سامنے آگئی

لاہور(قدرت روزنامہ)کوئٹہ گلیڈی ایٹرز کے آسٹریلین فاسٹ بائولر جیمز فالکنر پاکستان کرکٹ بورڈ کی جانب سے معاہدے کی خلاف ورزیوں کے باعث پی ایس ایل 7 کے بقیہ میچز سے دستبردار ہوگئے ہیں ۔ جیمز فالکنر نے اپنے ٹویٹر پیغام میں لکھا کہ ’’میں پاکستانی کرکٹ شائقین سے معافی مانگتا ہوں لیکن بدقسمتی سے پی سی بی کی جانب سے میرے معاہدے/ ادائیگیوں کا احترام نہ کرنے کی وجہ سے مجھے آخری 2 میچوں سے دستبردار ہونا پڑا اور پی ایس ایل چھوڑنا پڑا ، میں پوری مدت یہاں رہا ہوں اور وہ مجھ سے جھوٹ بولتے رہے ہیں۔

1/2
I apologise to the Pakistan cricket fans.
But unfortunately I’ve had to withdraw from the last 2 matches and leave the @thePSLt20 due to the @TheRealPCB not honouring my contractual agreement/payments.
I’ve been here the whole duration and they have continued to lie to me.

— James Faulkner (@JamesFaulkner44) February 19, 2022

ان کا مزید کہنا تھا کہ جانے سے تکلیف ہوتی ہے کیونکہ میں پاکستان میں انٹرنیشنل کرکٹ کی واپسی میں مدد کرنا چاہتا تھا کیونکہ وہاں بہت زیادہ نوجوان ٹیلنٹ ہے اور شائقین حیرت انگیز ہیں لیکن میرے ساتھ جو سلوک ہوا ہے وہ پی سی بی اور پی ایس ایل کی طرف سے بدنامی کا باعث ہے مجھے یقین ہے کہ آپ سب میری پوزیشن کو سمجھ چکے ہوں گے‘۔

2/2
It hurts to leave as I wanted to help to get international cricket back in Pakistan as there is so much young talent and the fans are amazing.
But the treatment I have received has been a disgrace from the @TheRealPCB and @thePSLt20

I’m sure you all understand my position.

— James Faulkner (@JamesFaulkner44) February 19, 2022

ایکسپریس نیوز کے ذرائع کے مطابق فالکنر کو تنخواہ کا 70 فیصد اسی طرح ادا کیا گیا جس طرح پی سی بی پی ایس ایل ایڈیشن کے وسط میں حصہ لینے والے تمام کھلاڑیوں کو ادا کرتا ہے۔ اس کی ادائیگی پی سی بی نے اس کے دیے گئے آسٹریلوی بینک اکاؤنٹ میں منتقل کر دی تھی لیکن فالکنر نے بتایا کہ وہ اب اس اکاؤنٹ کا استعمال نہیں کر رہے ہیں اور ایک اور اکاؤنٹ کی تفصیلات بھی دیں۔ پی سی بی نے بینک سے رقم واپس کرنے کو کہا لیکن بینک نے رقم واپس کرنے سے انکار کردیا اور یوں یہ مسئلہ مزید بڑھ گیا ۔ فالکنر نے احتجاجاً ملتان سلطانز کے خلاف کل کا میچ بھی نہیں کھیلا تھا اور انہیں آج وطن واپس بھیج دیا گیا تھا۔