لندن کے میئر عاطف اسلم کے مداح نکلے

(قدرت روزنامہ)پاکستانی نژاد لندن کے میئر صادق خان گلوکار عاطف اسلم کے مداح نکلے جب وہ بغیر پروٹوکول عاطف اسلم کے کنسرٹ سے لطف اندوز ہونے لندن پہنچے تھے .

حال ہی میں پاکستان کے نامور گلوکار عاطف اسلم کا لندن میں کانسرٹ منعقد ہوا تھا جس کے متعلق انہوں نے اپنے انسٹاگرام اکاؤنٹ پر بھی بتایا تھا .

لندن میں ہونے والے کانسرٹ میں وہاں کے میئر صادق خان نے بھی بغیر کسی پروٹوکول کے گلوکار کو سننے اور دیکھنے پہنچے تھے .

اس موقع پر میڈیا سے بات کرتے ہوئے لندن کے میئر نے کہا ہے کہ عاطف اسلم نہ صرف ایک اچھے گلوکار ہیں بلکہ بہترین اداکار بھی ہیں .

ان کا مزید کہنا تھا کہ ‘عاطف اسلم پاکستان کا فخر ہیں اور نہ صرف میری فیملی بلکہ پورا لندن ان کا مداح ہے’ .