ملتان! وعدہ پورا کرنے کا وقت آگیا ہے: آصفہ بھٹو زرداری
ملتان (قدرت روزنامہ)سابق صدر آصف زرداری اور شہید محترمہ بے نظیر بھٹو کی چھوٹی صاحبزادی آصفہ بھٹو نے ملتان کے عوام کو اُن کا وعدہ یاد کروادیا . آصفہ بھٹو نے اپنے ٹوئٹ میں لکھا کہ پیپلز پارٹی کے فاؤنڈیشن دن کے موقع پر، اس بزدل حکومت نے ملتان کے عوام پر لاٹھیاں برسائیں، آنسو گیس کا استعمال کیا لیکن ملتان کے عوام نہ تو اُس وقت ڈرے اور نہ اب .
PPP kay Foundation Day par, is buzdil hukomat nay Multan ki bahadur awam per lathiyan barsain, ansu gas ka istmal kiya, jailain bharein, magar Multan ki awam na us waqt dari, na ab daray ge.
1/2— Aseefa B Zardari (@AseefaBZ) March 3, 2022
اُنہوں نے کہا کہ اُس وقت ملتان کے عوام نے وعدہ کیا تھا کہ ہم پیپلز پارٹی کا ساتھ دیں گے . آصفہ بھٹو نے کہا کہ اب وعدہ پورا کرنے کا وقت آگیا ہے، پیپلز پارٹی کا ساتھ دیں، بلاول بھٹو کا ساتھ دیں .
اُن کا مزید کہنا تھا کہ چلو چلو اسلام آباد چلو . واضح رہے کہ پاکستان کے مختلف شہروں میں پیپلزپارٹی کا عوامی مارچ جاری ہے، صوبہ سندھ کے بعد یہ مارچ اب پنجاب میں داخل ہوگیا ہے .
