تیر کو توڑو گے تو سندھ کو جوڑو گے علی زیدی نے بڑا بیان داغ دیا

حیدرآباد(قدرت روزنامہ)وفاقی وزیر برائے بحری امور علی زیدی نے کہاہے کہ 26 فروری سے آج تک شاہ محمود قریشی کی قیادت میں پورے سندھ میں گئے، ہمیں مزید طاقت ور بننے کیلئے سندھ میں حکومت بنانا ہوگی، اس تیر نے پورے سندھ کو زخمی کیا ہوا ہے . پی ٹی آئی سندھ کے میڈیا ونگ کی جانب سے جاری بیان میں وفاقی وزیر نے کہاکہ تیر کو توڑو گے تو سندھ کو جوڑو گے .

پندرہ سال سندھ کو تباہ کرنے کے بعد اب پی پی والے لانگ مارچ کرنے نکلے ہیں . ہمیں سندھ کو زرداری مافیا سے نجات دلانی ہے . کراچی

نے ہمیشہ سے عمران خان کا ساتھ دیا ہے اور میں چاہتا ہوں کے بڑی تعداد میں کراچی کے عوام نکلے اور آج کے جلسے کو کامیاب بنائیں .