اللّٰہ کے سوا کسی سہارے پر انحصار نہیں کرنا، اسد عمر

اسلام آباد (قدرت روزنامہ)وفاقی وزیر برائے منصوبہ بندی اسد عمر کا کہنا ہے کہ اللّٰہ کے سوا کسی سہارے پر انحصار نہیں کرنا۔

ائیکرو بلاگنگ سائٹ ٹوئٹر پر اپنے پیغام میں اسد عمر نے کہا کہ کل نہ صرف جس تعداد میں پاکستانی اپنے کپتان کی کال پر نکلے، ان میں جو جوش اور جذبہ تھا، واضح ہو گیا ہے کہ قوم نے فیصلہ کر لیا ہے کہ اب خودداری کے ساتھ ایک حقیقی معنوں میں آزاد ملک بن کر زندگی گزارنی ہے۔

کل نہ صرف جس تعداد میں پاکستانی اپنے کپتان کی کال پر نکلے، اور ان میں جو جوش اور جذبہ تھا، واضح ہو گیا ہے قوم نے فیصلہ کر لیا ہے. اب زندگی گزارنی ہے خودداری کے ساتھ، ایک حقیقی معنوں میں آزاد ملک بن کر. اللہ کے سوا کسی سہارے پر انحصار نہیں کرنا. پاکستان زندہ باد #IamImranKhan

— Asad Umar (@Asad_Umar) March 28, 2022

خیال رہے کہ گزشتہ روز وفاقی دارالحکومت اسلام آباد میں پاکستان تحریک انصاف (پی ٹی آئی ) کی جانب سے جلسہ کیا گیا تھا۔
جلسے میں وزیر اعظم عمران خان نے جیب سے خط نکال کر لہراتے ہوئے کہا تھا کہ قوم کے سامنے پاکستان کی آزادی کا مقدمہ رکھ رہا ہوں، الزام نہیں لگارہا ہوں، ان کے پاس ثبوت کے طور پر خط موجود ہے، بہت سی باتیں ہیں، بہت جلد اور مناسب وقت پر سامنے لائی جائیں گی۔