بابر اعظم اور محمد عامر اب فیمیل ورژن میں بھی دستیاب ، تصاویر وائرل

لاہور (قدرت روزنامہ) قومی کرکٹ ٹیم کے ہر دلعزیز کھلاڑی بابر اعظم اور محمد عامر کی فیمیل ورژن میں تصاویر وائرل ہو گئی ہیں۔ سوشل میڈیا سائٹس پر اس وقت قومی کرکٹ کے سب ہی فارمیٹس کے کپتان بابر اعظم اور سابق ٹیسٹ فاسٹ بالر محمد عامر سے مشابہہ خواتین کرکٹرز کی تصویریں سوشل میڈیا پر وائرل ہیں۔ اِن تصاویر پر میمرز کو میمز بنانے کا موقع مل گیا ہے۔

واضح رہے کہ بابر اعظم کی مشابہہ خاتون کرکٹر کا نام گُل فیروزہ ہے جو کہ ملتان انڈر 21 ٹیم کی کھلاڑی ہیں، گُل فیروزہ بھی بابر اعظم کی طرح بیٹر ہیں۔ دوسری جانب محمد عامر کی مشابہہ خاتون کرکٹر کا نام سعدیہ اقبال ہے جو کہ ایک سپنر ہیں۔ یہ دونوں خواتین کھلاڑی جَلد ہی نیشنل ویمنز کرکٹ ٹیم میں ڈیبیو دینے والی ہیں۔