عمران خان واپس آجائیں تو ہر مشکل سے نکال سکتے ہیں اتنا بھروسہ ہے کپتان کی ایمانداری پر:ثمینہ پیرزادہ
لاہور(قدرت روزنامہ)پاکستان کی معروف اداکارہ ثمینہ پیرزادہ نے اپنے کپتان اور سابق وزیراعظم عمران خان کی ایمانداری پر پورا بھروسہ ظاہر کرتے ہوئے کہا کہ عمران خان اقتدار میں واپس آجائیں تو پاکستان کو ہر مشکل سے نکال سکتے ہیں۔
سماجی رابطے کی سائٹ ٹویٹر پر ثمینہ پیرزادہ نے ملکی سیاسی صورتحال اور مہنگائی سے متعلق مایوسی کا اظہار کرتے ہوئے لکھا کہ ، “ اگر آج عمران خان واپس آجائیں تو مجھے یقین ہے پورے پاکستان اور پوری دنیا سے پاکستانی اتنا روپیہ جمع کریں گے کہ پاکستان کو ہرمشکل سے نکال سکیں۔ اتنا بھروسہ ہے ہمیں کپتان کی ایمانداری پر“۔
اگر آج عمران خان واپس آجاتا ہے تو مجھے یقین ہے پورے پاکستان سے اور پوری دنیا سے پاکستانی اتنا روپیہ جمع کریں گے کہ پاکستان کو ہر مشکل سے نکال سکیں۔ اتنا بھروسے ہے ہمیں کپتان کی ایمانداری پر۔
— Samina Peerzada (@SaminaSays) June 13, 2022
موجودہ حکومت کو تنقید کا نشانہ بناتے ہوئے ثمینہ پیرزادہ نے مشورہ دیتے ہو ئے کہا کہ بھیک کا کٹورا توڑ کر کپتان کو واپس لاؤ اور ٌھر دیکھو ہم کیا کرتے ہیں۔انہوں نے سوال اٹھایا کہ پیسوں کے بغیر کاروبار کیسے چلے گا، ملک کو اگر مسائل سے نکالنا ہے تو صاف شفاف انتخابات واحد حل ہے۔
توڑ دو بھیک کا کٹورا کپتان کو واپس لاوُ پھر دیکھو ہم کیا کرتے ہیں۔ پیسے کے بغیر کیسے چلے گا کاروبار؟؟؟؟ ظالمو!!!!صاف شفاف انتخابات واحد حل۔ کوئ دھاندلی نہیں
— Samina Peerzada (@SaminaSays) June 13, 2022
ثمینہ پیرزادہ نے ایک ٹویٹ میں لکھا کہ جمہوریت کا حسن ہی اختلاف رائےہے اور دوسروں کے نقطہ نظر کا احترام ہی پڑھے لکھے معاشرے کی علامت ہے۔مجھے بھی حق ہے اپنی رائے کا اور آپکو بھی۔
جمہورئیت کا حسن ہی اختلاف رائے ہے اور دوسرے کے نقتئہ نظر کا احترام ہی ایک پڑھے لکھے معاشرے کی علامت۔ مجھے بھی حق ہے اپنی رائے کا اور آپکو بھی بس حد ادب ملحوظ رہے
— Samina Peerzada (@SaminaSays) June 14, 2022
