فرح اقرار نے اپنی شادی سے متعلق اہم انکشافات کردیئے
کراچی (قدرت روزنامہ)حال ہی میں اپنے دیئے گئے ایک انٹرویو میں فرح اقرار نے اعتراف کیا کہ اُن کی اینکر اقرار الحسن سے شادی چند سال قبل نہیں بلکہ پوری ایک دہائی قبل ہوئی تھی۔
ان کا کہنا تھا کہ ان کی شادی لوگوں کی جانب سے کیے گئے دعووں سے کئی سال پہلے ہوچکی تھی۔
View this post on Instagram
انہوں نے اپنے شوہر سے متعلق بات کرتے ہوئے کہا کہ “ٹک ٹاکر عائشہ” کے معاملے پر اقرار الحسن سے آغاز میں غلطی ہوئی اور اس وقت تک مذکورہ معاملے کی مکمل معلومات سامنے نہیں آئی تھی مگر بعد میں تفتیش ہونے پر انہوں نے اپنی غلطی کو سدھارا اور کئی وضاحتی ویڈیوز بھی جاری کیں۔
View this post on Instagram
ان کا کہنا تھا کہ اقرار سے متعلق سوشل میڈیا اور خاص طور پر یوٹیوب پر پھیلائی جانے والی زیادہ تر باتیں بے بنیاد ہوتی ہیں۔
فرح اقرار نے دورانِ انٹرویو اپنی ازدواجی زندگی پر بات کرتے ہوئے کہا کہ ان کے کوئی اپنے بچے نہیں ہیں تاہم شوہر کی دوسری بیوی کے بچے بھی ان کے ہی بچے ہیں۔
View this post on Instagram
انہوں نے یہ دعویٰ کیا کہ ان کے درمیان شادی سے پہلے کوئی تعلقات نہیں تھے، اقرار الحسن نے ان کے گھر رشتہ بھیجا، جس پر والدین نے رضا مندی ظاہر کی تو انہوں نے بھی اینکر میں دلچسپی لینا شروع کی اور پھر دونوں کے درمیان محبت ہوئی۔
View this post on Instagram
سابق نیوز اینکر اور میزبان فرح اقرار نے مزید کہا کہ ان کی شادی 2012 میں ہوئی تھی اور اب ان کی شادی کو ایک دہائی ہو چکی، اس لیے لوگ ان سے متعلق افواہیں پھیلانا بند کریں۔
واضح رہے کہ فرح اقرار کے ان کے شوہر کی دوسری اہلیہ کے ساتھ اچھے تعلقات ہیں اور گھر میں سب مل کر رہتے ہیں۔
