اداکارہ سونالی فوگاٹ کے مبینہ قتل کا معمہ، پولیس نے کن دو قریبی افراد کو گرفتار کر لیا ؟ جانئے

ممبئی(قدرت روزنامہ) بھارتی اداکارہ سونالی فوگاٹ کے مبینہ قتل کے الزام میں پولیس نے ان کے پرسنل اسسٹنٹ سمیت دو افراد کو گرفتار کر لیا ہے
. بھارتی میڈیا کے مطابق پولیس نے اداکارہ اوربی جے پی کی رکن سونالی فوگاٹ کے مبینہ قتل کے الزام میں پرسنل اسسٹنٹ سمیت 2 افراد کو گرفتار کرلیا .

سونالی فوگاٹ کو 22 اگست کو گوا کے ایک ہسپتال منتقل کیا گیا تھا جہاں ڈاکٹرز نے انہیں مردہ قرار دیا تھا . سونالی فوگاٹ کی پوسٹ مارٹم رپورٹ میں تشدد اور زخم کے متعدد نشانات کی تصدیق ہوئی تھی . پوسٹ مارٹم رپورٹ آنے کے بعد ان کے بھائی کی درخواست پرمقدمہ درج کرکے سونالی کے پرسنل اسسٹنٹ سدھیر ساگوان اور انکے دوست سکھویندر واسی کوگرفتار کر لیا گیا . بھارتی میڈیا کا کہنا ہے کہ سونالی فوگاٹ کی شہرت ایک متنازع شخصیت کی تھی . انہوں نے ٹک ٹاک سے شہرت حاصل کی اور ریئلٹی شو بگ باس کا بھی حصہ رہیں .