حکومت جو مرضی ریفرنس دائر کرے اعلیٰ عدلیہ کے ججز کا فیصلہ سب کو قبول ہوگا، شیخ رشید

راولپنڈی(قدرت روزنامہ)سابق وفاقی وزیر شیخ رشید نے کہا ہے کہ حکومت جو مرضی ریفرنس دائر کرے اعلیٰ عدلیہ کے ججز کا فیصلہ سب کو قبول ہوگا۔
تفصیلات کے مطابق راولپنڈی پریس کلب میں پی ٹی آئی رہنما عامر کیانی، غلام سرور خان، واثق قیوم عباسی، راجہ بشارت، صداقت عباسی، شیخ راشد شفیق و دیگر رہنماؤں کے ہمراہ پریس کانفرنس سے خطاب کرتے ہوئے شیخ رشید کا کہنا تھا جیل بھرو تحریک کے حوالے سے ہم نے وہ کرنا ہے جو عمران خان کا فیصلہ ہے۔

Press conference at Liaqat bagh press club – live via https://t.co/iCDHmsbOHg #onestreamlive https://t.co/VvdfjP1RMG

— Sheikh Rashid Ahmed (@ShkhRasheed) February 23, 2023

انہوں نے کہا کہ مہنگائی کے سامنے ڈٹ کر کھڑے رہنا ہے، پاکستان کو اللہ کے بعد عدلیہ بچائے گی، ہم کوئی تصادم نہیں چاہتے ہیں۔انہوں نے مزید کہا کہ سپریم کورٹ کے 9 ججز ملک کے مستقبل کا فیصلہ کرنے جارہے ہیں انشاء اللہ بہتر فیصلہ ہوگا، اگلے 72 گھنٹے انتہائی اہم ہیں۔
شیخ رشید نے بتایا کہ عامر کیانی کل جمعہ کو شام چار بجے 200 کارکنوں کے ہمراہ کمیٹی چوک میں گرفتاری دیں گے۔انہوں نے کہا کہ 13 پارٹیاں الیکشن کے خلاف ہیں صرف عمران خان الیکشن کیلئے تیار ہے، اوپر سے حکم ہے عامر کیانی لیڈ کرے گا، میری خواہش ہے کہ سب سے پہلے گرفتاری میں پیش کروں گا ۔
انہوں نے مزید کہا کہ واضح کردوں کہ کسی کا باپ بھی الیکشن نہیں روک سکتا،میں نقشے میں دیکھتا ہوں بلاول کس ملک جا رہا ہے نہیں معلوم ہے۔اس سے قبل سماجی رابطے کی ویب سائٹ ٹوئٹر پر اپنے جاری کردہ پیغام میں شیخ رشید نے کہا کہ عدلیہ ہی اس ملک کو بحران سے نکالے گی اور چوروں کو آئین کے شکنجے میں لائے گی۔

آئندہ 72 گھنٹے ملکی سیاست میں بہت اہم ہوں گے قوم کو صرف عدلیہ سے ہی توقع ہےباقی سب سے مایوسی ہے عدلیہ ہی اس ملک کو بحران سے نکالے گی اور چوروں کو آئین کے شکنجے میں لائے گی شہباز شریف کی پریس کانفرنس قوم سے بیہودہ مذاق تھی غریب قحط سےمر گیاہےمہنگائی کاجن حکومت کو کھا جائے گا

— Sheikh Rashid Ahmed (@ShkhRasheed) February 23, 2023

انہوں نے کہا کہ شہباز شریف کی پریس کانفرنس قوم سے بیہودہ مذاق تھی، غریب قحط سے مر گیا ہے مہنگائی کا جن حکومت کو کھا جائے۔
سابق وفاقی وزیر نے کہا کہ آئی ایم ایف کی صدر بھی کہتی ہے امیروں کو سبسڈی دی ہے۔ 13پارٹیاں کسی صورت الیکشن نہیں چاہتیں صرف عمران خان الیکشن چاہتا ہے۔شیخ رشید نے کہا کہ آل شریف، زرداری، فضل الرحمان کے علاوہ سب پاکستان کے لیے پریشان ہیں، اقتدار کے بھوکوں کا جمعہ بازار لگا ہے۔