آصف زرداری پر عمران خان کے قتل کی سازش کا الزام،شیخ رشید کو بڑا ریلیف مل گیا

اسلام آباد(قدرت روزنامہ) عوامی لیگ کے سربراہ شیخ رشید احمد پر فرد جرم عائد نہ ہوسکی، طبی بنیادوں پر حاضری سے استثنی حاصل، سماعت 21 مارچ تک ملتوی کردی گئی ۔ تفصیلات کے مطابق ڈسٹرکٹ اینڈ سیشن کورٹ اسلام آباد میں شیخ رشید کیخلاف آصف زرداری پر عمران خان کے قتل کی سازش کے الزامات سے متعلق کیس کی سماعت ہوئی،
جس میں سابق وفاقی وزیر داخلہ شیخ رشید کی طرف سے جوڈیشل مجسٹریٹ عمرشبیر کی عدالت میں طبی بنیادوں پر حاضری سے استثنیٰ کی درخواست دائر کی گئی کہ طبیعت ناساز ہے، ڈاکٹروں نے آرام کا مشورہ دیاہے، آج عدالت میں پیش نہیں ہوسکتا، حاضری سے استثنیٰ دیا جائے، شیخ رشید کی میڈیکل رپورٹ بھی درخواست کے ساتھ منسلک کی گئی۔عدالت نے شیخ رشیدکی طبی بنیادوں پر آج حاضری سے استثنیٰ کی درخواست منظور کرلی اور فرد جرم عائدکرنےکی تاریخ 21 مارچ مقرر کردی۔