آرمی چیف کی یو اے ای کے صدر سے ملاقات؛ بھائی کی وفات پر تعزیت
اسلام آباد(قدرت روزنامہ) پاک فوج کے سپہ سالار جنرل عاصم منیر نے متحدہ عرب امارات کے صدر شیخ محمد بن زاید آلنہیان سے ملاقات کی اور ان کے بھائی شیخ سعید بن زاید آلنہیان کی وفات پر تعزیت کی۔ متحدہ عرب امارات کے اسلام آباد میں قائم سفارت خانے کے آفیشل ٹوئٹر اکاؤنٹ سے ٹوئٹ کی گئی ہے کہ چیف آف آرمی اسٹاف جنرل عاصم منیر نے صدرِ متحدہ عرب امارات محمد بن زاید آلنہیان سے ملاقات کی۔
ملاقات کے دوران چیف آف آرمی اسٹاف جنرل عاصم منیر نے یو اے ای کے صدر کے بھائی شیخ سعید بن زاید آلنہیان کی وفات پر تعزیت کی اور مرحوم کے درجات کی بلندی کے لیے دعائے مغفرت کی۔
H.H. Sheikh Mohammed bin Zayed Al Nahyan, President of the UAE, receives General Syed Asim Munir, COAS of Pakistan Army, who offered condolences on the death of late Sheikh Saeed bin Zayed Al Nahyan.
— UAE Embassy PK (@uaeembassyisb) July 30, 2023
یاد رہے کہ متحدہ عرب امارات کے صدر شیخ محمد بن زاید آلنہیان کے بھائی شیخ سعید بن زاید آلنہیان مختصر علالت کے بعد انتقال کرگئے تھے۔ ان کے انتقال پر تین روزہ سوگ کا اعلان کیا گیا ہے جس کے دوران اماراتی پرچم سرنگوں رہے گا۔
