بلوچستان کابینہ نے احمد شہزاد کی نگرانی میں کرکٹ اکیڈمی بنانے کا فیصلہ کیا ہے، جان اچکزئی

کوئٹہ (قدرت روزنامہ)نگراں صوبائی وزیر اطلاعات جان اچکزئی کا کہنا ہے کہ بلوچستان کابینہ نے احمد شہزاد کی نگرانی میں کرکٹ اکیڈمی بنانے کا فیصلہ کیا ہے . منگل کو میڈیا سے گفتگو کرتے ہوئے جان اچکزئی نے کہا کہ بلوچستان کے متعدد نوجوانوں نے کھیلوں میں نام روشن کیا ہے، ہم نے احمد شہزاد کی نگرانی میں اکیڈمی بنانے کا فیصلہ کیا ہے .

قبل ازیں، جان اچکزئی نے کہا تھا کہ احمد شہزاد بلوچستان کے کرکٹرز کو قومی کرکٹ ٹیم کی نمائندگی کے لئے روڈ میپ دیں گے، احمد شہزاد بلوچستان کے باصلاحیت کھلاڑیوں کو قومی کرکٹ ٹیم میں شامل کرنے کے لئے کردار ادا کریں گے .
جان اچکزئی نے کہا کہ کوئی بھی پاکستانی بغیر پاسپورٹ کے افغانستان نہیں جاسکتا، افغان مریض پاکستان میں علاج کیلئے پاسپورٹ پر ہی آسکتے ہیں . ان کا کہنا تھا کہ نوجوان کھلاڑیوں کی تربیت کے لیے حوصلہ افزائی کی جائے گی، کرکٹ اکیڈمی کے قیام سے نوجوانوں کو مواقع میسر آئیں گے . ایک سوال کے جواب میں ان کا کہنا تھا کہ پاکستان جمہوری ملک ہے، پرامن احتجاج کا ہر کسی کو حق ہے .