بلوچ سیاسی تاریخ میں میر یوسف عزیز مگسی کی جدوجہد قابل تعریف ہے، این ڈی پی

کوئٹہ(قدرت روزنامہ)این ڈی پی کی جانب سے جاری بیان میں کہا گیا ہے کہ بلوچ قوم پرستی کی سیاست میں سیاسی تنظیم کاری کا سہرا میر یوسف عزیز مگسی کو جاتا ہے ۔ بلوچ قوم پرستی کی سیاست میں سیاسی تنظیم کاری کا سہرا میر یوسف عزیز مگسی اور ان کے دیگر ساتھیوں سمیت عبدالعزیز کرد کو جاتا ہے۔ بلوچ سیاسی تاریخ میں یوسف عزیز مگسی اولین رہنما کے طور پر جانے جاتے ہیں جس نے باقاعدہ انجمن اتحاد بلوچاں کی بنیاد رکھ کر بلوچ سماج کے اندر سیاسی تنظیم کاری کا آغاز کیا۔ آج ان کی برسی کے موقع پر ان کے قربانیوں اور جدوجہد کو خراج عقیدت پیش کرتے ہیں۔