محکمہ کھیل بلوچستان میں 32 کروڑ 47 لاکھ روپے کی مالی بے ضابطگیاں
کوئٹہ(قدرت روزنامہ)محکمہ کھیل بلوچستان میں 32 کروڑ 47 لاکھ روپے کی مالی بےضابطگیاں سامنے آگئیں . مالی سال 23-2021 کے دوران محکمہ کھیل بلوچستان میں کروڑوں کی رقم کے غیر قانونی استعمال کا انکشاف ہوا ہے .
صوبائی محکمہ کھیل میں مالی بے ضابطگیوں کا انکشاف آڈٹ رپورٹ میں ہوا، جس کے مطابق 2 سال کے دوران 32 کروڑ 47 لاکھ روپے غیر قانونی طور پر استعمال کیے گئے . آڈٹ رپورٹ کے مطابق رقم ڈی جی اسپورٹس، ڈائریکٹر یوتھ افیئرز کے دفاتر سے جاری ہوئی، اس دورانیے میں 13 کروڑ 60 لاکھ روپے مختلف تنظیموں کو دیے گئے . رپورٹ کے مطابق رقم جن فورمز کو دی گئی، اُن کی مانیٹرنگ کےلیے کوئی مکینزم موجود نہیں تھا جبکہ رقم کے استعمال سے متعلق مصدقہ دستاویزات پیش نہیں کی گئیں . آڈٹ رپورٹ میں محکمہ کھیل بلوچستان میں 32 کروڑ کے غلط استعمال کی تحقیقات کی سفارش کی گئی ہے . . .
