کوئٹہ میں یخ بستہ ہواؤں کا راج، گیس غائب، عوام پریشان

کوئٹہ(قدرت روزنامہ)بلوچستان میں اس وقت شدید سردی کی لہر جاری ہے اور کوئٹہ سمیت صوبے کے مختلف علاقوں میں درجہ حرارت منفی 6 ڈگری سینٹی گریڈ تک گر چکا ہے۔ سرد موسم نے جہاں لوگوں کی روزمرہ زندگی کو متاثر کیا ہے، وہیں گیس کی کمی نے شہریوں کی پریشانیوں میں مزید اضافہ کر دیا ہے۔موسم کی شدت کے باعث سوئی سدرن گیس پائپ لائنز لمیٹڈ کی 18 انچ قطر کی پائپ لائن بھی منجمد ہو گئی ہے، جس کے نتیجے میں گیس کی فراہمی میں شدید کمی واقع ہو گئی ہے۔ گیس کی اس قلت کے باعث کوئٹہ کے رہائشیوں کو کھانا پکانے، گرم پانی حاصل کرنے اور سردی سے بچا کے لیے دیگر ضروریات کے لیے مشکلات کا سامنا ہے۔شہریوں کا کہنا ہے کہ گیس کی عدم دستیابی کی وجہ سے انہیں ایندھن کے متبادل ذرائع تلاش کرنے میں مشکلات پیش آ رہی ہیں، اور کئی علاقوں میں سردی کی شدت میں مزید اضافہ ہو چکا ہے۔ گھروں میں چولہے جلانے اور دیگر احتیاطی تدابیر اختیار کرنے کے باوجود، لوگ گیس کی عدم فراہمی سے شدید پریشان ہیں۔محکمہ سوئی سدرن گیس کمپنی نے بتایا ہے کہ پائپ لائنز کی منجمد ہونے کی وجہ سے گیس کی سپلائی متاثر ہوئی ہے، اور وہ اس صورتحال کو بہتر بنانے کے لیے اقدامات کر رہے ہیں۔ تاہم، عوامی حلقوں نے مطالبہ کیا ہے کہ گیس کی فراہمی کو جلد بحال کیا جائے اور سرد موسم کے دوران دیگر متبادل تدابیر بھی فراہم کی جائیں تاکہ شہریوں کو مشکلات کا سامنا نہ ہو۔اس مشکل صورتحال میں، مقامی حکومت اور متعلقہ اداروں سے امید کی جا رہی ہے کہ وہ فوری طور پر گیس کی فراہمی کو بحال کرنے کے لیے اقدامات اٹھائیں گے اور شہریوں کو سردی سے بچا کے لیے مناسب حل فراہم کریں گے۔