کراچی: ایکسپو سینٹر میں لائیو اسٹاک نمائش میں کرنٹ لگنے سے 2 مویشی ہلاک
کراچی(قدرت روزنامہ)ایکسپو سینٹر میں لائیو اسٹاک نمائش میں کرنٹ لگنے سے 2 مویشی ہلاک ہوگئے۔
صدر ڈیری اینڈ کیٹل فارمرز ایسوسی ایشن پاکستان شاکر عمر کے مطابق ایکسپو سینٹر میں لائیو اسٹاک نمائش میں کرنٹ لگنے سے 2 مویشی مرگئے۔
شاکر عمر نے کہا کہ سندھ حکومت کی جانب سے لگائی جانے والی نمائش میں واقعہ رونما ہوا۔ محکمہ لائیو اسٹاک متاثرہ شخص کا نقصان پورا کرے۔
خیال رہے کہ کراچی کے ایکسپو سینٹر میں وزیر اعلیٰ سندھ مراد علی شاہ اور صوبائی وزیر لائیو اسٹاک اینڈ فشریز محمد علی ملکانی نے لائیو اسٹاک ایکسپو 2025 نمائش کا افتتاح کیا۔
لائیواسٹاک ایکسپو میں سندھ بھر سے لائے جانے والے دو ہزار سے زائد مختلف نایاب نسل کے جانور، سیکڑوں پرندوں اور مچھلیوں کی نایاب نسل کے علاوہ میوزیکل کنسرٹ، قوالی اور فوڈ کورٹ کا بھی اہتمام کیا گیا ہے۔
جمعہ کو وزیراعلیٰ سندھ سید مراد علی شاہ نے سندھ لائیو اسٹاک ایکسپو نمائش کے موقعے پر خطاب میں کہا کہ جھینگے کی فارمنگ اور ایکسپورٹ بڑھانے کی ضرورت ہے۔
مراد علی شاہ نے بتایا کہ صدر زرداری اگلے ماہ چین کا دورہ کریں گے اور اس میں لائیو اسٹاک سیکٹر کے باہمی شراکت کے منصوبوں پر بھی بات ہو سکتی ہے۔