گجرانوالہ؛ منشیات فروش کو رشوت لیکر چھوڑنے پر ایس ایچ او کی شامت آگئی

گجرانوالہ (قدرت روزنامہ)گجرانوالہ میں منشیات فروش کو رشوت لے کر چھوڑنے پر ایس ایچ او سبزی منڈی کو گرفتار کر لیا گیا۔
ترجمان پولیس کے مطابق ریکارڈ یافتہ منشیات فروش ہاشم عرف ہاشو کو چھوڑنے کی شکایت پر سی پی او نے واقعے کا نوٹس لے کر انکوائری کا حکم دیا تھا۔
انکوائری رپورٹ میں الزام سچ ثابت ہوا اور ایس ایچ او قصور وار پایا گیا جس پر سی پی او نے ایس ایچ او سبزی منڈی سب انسپکٹر میاں عدنان کو تھانہ سبزی منڈی کی حوالات میں بند کروا کر مقدمہ بھی درج کر لیا گیا۔
سی پی او گجرانوالہ کا کہنا تھا کہ محکمہ کی بدنامی کا باعث بننے والے ملازمین کے لیے محکمہ پولیس میں کوئی جگہ نہیں، طمع نفسانی کی خاطر منشیات فروشوں کو مدد فراہم کرنے والی کالی بھیڑوں سے کسی قسم کی رعایت نہیں برتی جائے گی۔