محسن نقوی جھنگ سے ایم این اے بننا چاہتے ہیں تو وقاص اکرم کو خود ہی اپنی سیٹ انہیں دے دینی چاہئے،شہزاداکبر
لندن(قدرت روزنامہ)پی ٹی آئی رہنما اورسابق مشیر احتساب شہزاداکبر نے شیخ وقاص اکرم کو اپنی سیٹ محسن نقوی کو دینے کا مشورہ دیدیا۔
پی ٹی آئی رہنما شہزاداکبر کا یوٹیوبرفریال عباسی سے گفتگو کرتے ہوئے کہناتھا کہ محسن نقوی کا سسرال جھنگ سے ہے تو اگر محسن نقوی وہاں سے ایم این اے بننا چاہتے ہیں توضرور، میں تو کہتا ہوں کہ اس کارخیر کیلئے وقاص اکرم کو خودی اپنی سیٹ ویسے ہی محسن نقوی کو دے دینی چاہئے،شہزاداکبر کاکہناتھا کہ اگر سپہ سالار نے محسن نقوی کو وزیراعظم بنانے کا فیصلہ کرلیا تو پھر ناتو شہبازشریف اسے روک سکے گا اور نہ ہی وقاص اکرم ۔
محسن نقوی کا سسرال جھنگ سے ہے تو اگر محسن نقوی وہاں سے MNA بننا چاہتے ہیں تو وقاص اکرم کو اپنی سیٹ ویسے ہی عطیہ کردینی چاہیے کیونکہ اگر سپہ سالار نے محسن نقوی کو وزیر اعظم بنانے کا فیصلہ کر لیا ہے تو پھر نا تو شہباز شریف اسے روک سکے گا اور نا ہی وقاص اکرم،
شہزاد اکبر pic.twitter.com/xEkUQ2pCRK
— Ahmad Hassan Bobak (@ahmad__bobak) August 7, 2025
یاد رہے کہ چند روز قبل قومی اسمبلی کے دوران سپیکر سردار ایاز صادق نے کہاتھا کہ شیخ وقاص اکرم 40دن سے مسلسل بغیر چھٹی لئے غیر حاضر ہیں، آرٹیکل 64کے تحت سپیکر غیرحاضری کو نوٹس میں لا کر نشست کو خالی قرار دے سکتا ہے، ان کا کہنا تھا کہ شیخ وقاص اکرم مسلسل40دن سے بغیر اطلاع کے غیرحاضر ہیں۔
