علی امین گنڈاپور اور سردار تنویر الیاس کی ملاقات ، آزاد کشمیر الیکشن کے حوالے سے تحریک انصاف نے بڑا فیصلہ کر لیا
سردار تنویر الیاس خان کا کہنا تھا کہ وزیراعظم عمران خان کا پیغام ہر ایک کشمیری گھر میں پہنچ رہا ہے،وزیراعظم عمران خان کشمیریوں کے دلوں میں گھر کر چکے ہیں،مخالف سیاسی جماعتوں کو انتخابات میں اپنی شکست واضح دکھائی دے رہی ہے،مختلف سیاسی جماعتوں کے اہم رہنما اور سیاسی ورکرز روزانہ کی بنیاد پر تحریک انصاف میں شامل ہو رہے ہیں ،یہی وجہ ہے کہ ن لیگ اور پیپلز پارٹی سمیت دیگر علاقائی جماعتوں کی قیادت سکتے کی حالت میں ہے . وزیر امور کشمیر نے کہاکہ میں نے آزاد کشمیر کے مختلف علاقوں کا دورہ کیا ہے، آزاد کشمیر کے عوام عمران خان کی قیادت پر اعتماد کر چکے ہیں، آزاد کشمیر میں پی ٹی آئی بھاری اکثریت سے حکومت بنائے گی . سر دار تنویر الیاس نے کہاکہ پارٹی قیادت کی بہترین حکمت عملی سے آزاد کشمیر میں تحریک انصاف مضبوط قوت بن چکی ہے، آزاد کشمیر کے لوگ عمران خان کے دورے کے منتظر ہیں،وزیراعظم عمران خان کا آزاد کشمیر میں تاریخ ساز استقبال کریں گے . دریں اثناء پاکستان تحریک انصاف آزاد کشمیر کے مرکزی رہنما اور اور ایل 15وسطی باغ سے پی ٹی آئی کے نامزد امیدوار سردار تنویر الیاس خان کا سڑول بیر پانی میں سردار انور خان اور یاسر بیگ کی زیر قیادت منعقد شمولیتی پروگرام میں پہنچنے پر شاندار استقبال کیا گیا ،اس موقع پر سابق صدر مسلم کانفرنس یونین کونسل تھب راجہ محمد اقبال ، مرکزی رہنما پیپلز پارٹی راجہ پرویز سمیت نمبردار صادق خان، سردارمحمدعزیز خان،محمد بشیر قریشی ،محمد جمیل قریشی،سردار عمر مشتاق اور دیگر افراد نے سردار تنویر الیاس خان کی قیادت میں پاکستان تحریک انصاف آزادکشمیر میں شمولیت کا اعلان کرتے ہوۓ آمدہ انتخابات میں مکمل حمایت اور تعاون کی یقین دہانی کروائی . اس موقع پر سردار طاہر اقبال، سردار صغیر بیگ،سردار افتخار رشید،سردارامتیاز شاہین،راجہ مسعود منہاس، مولانا عبدالمالک،خواجہ بشیر احمد، محمد جنید ایڈووکیٹ اور دیگر قائدین بھی ان کے ہمراہ موجود تھے . . .
