مونگ پھلی میں دانہ نہیں، ہم تمہارے نانا نہیں، بس بات ختم!
لاہور (قدرت روزنامہ) سیاسی رہنماء سائرہ بانو نے نائب وزیراعظم اسحاق ڈار کے نواسے کی گرفتاری پر مزاحیہ انداز میں دلچسپ تبصرہ کرتے ہوئے کہا کہ مونگ پھلی میں دانہ نہیں، ہم تمہارے نانا نہیں، بس بات ختم! ایکس پر تجزیہ کار سہیل وڑائچ کے کالم پر تبصرہ کرتے ہوئے سائرہ بانو نے کہا کہ مونگ پھلی میں دانہ نہیں، ہم تمہارے نانا نہیں، بس بات ختم!
مونگ پھلی میں دانہ نہیں
ہم تمہارے نانا نہیں
بس بات ختم۔۔۔ https://t.co/BQhB5uZed3— Saira Bano (@Saira_Banokhan) July 6, 2026
یاد رہے تجزیہ کار سہیل وڑائچ نے روزنامہ جنگ میں اپنے کالم میں رضا ڈار کیس پربھی تبصرہ کیا کہ سادہ لفظوں میں بات کی جائے تو نونیوں کو 3 بڑے گروپس میں تقسیم کیا جاسکتا ہے، ایک نمایاں گروہ دکھی گروپ کا ہے، دوسرے کو سکھی گروپ کا نام دیا جاسکتا ہے جبکہ تیسرا دکھی سکھی گروپ ہے جو کبھی دکھی اور کبھی سکھی ہونے کے متضاد احساسات سے گزرتا ہے۔
سہیل وڑائچ لکھتے ہیں کہ وفاقی کابینہ میں دُکھّی اور سُکھّی دونوں طرح کے وزیر ہیں ایک سب سے لاڈلے ہیں جن کے بارے میں مشہور ہے کہ ان کا ذہن کمپیوٹر سے بھی تیز اور ان کا تجزیہ چانکیہ سے بھی زیادہ پُرمغز ہے ، ان کا مزاج تُنک ہے وگرنہ مقتدرہ اور وزیروں کے پردھان کے وہ پسندیدہ ترین ہیں مگر کئی وزیر ان کے رویےکے شاکی بھی ہیں اور شاید حسد کا شکار بھی مگروہ لاڈلے وزیر اور ان کی متعلقہ افسر شاہی ساری کی ساری سُکھّی ہے مگر دوسری افسر شاہی کی وہ لابی جو کبھی ان کے خلاف رہی یا جسے یہ پسند نہیں کرتےوہ ساری کی ساری دُکھّی ہے مگر ان کا کوئی بس نہیں چل رہا۔
اندازہ ہے کہ نائب وزیراعظم اسحق ڈار شدید دُکھّی ہونگے کیونکہ سب سُکھّی انکے درپے ہیں اگر انکے نواسے کی گرفتاری ہوگئی تو اس کے بعد ان کو ذمہ دار ٹھہرانا کسی بھی طرح جائز نہیں کوئی والد اپنے بیٹے کے جرائم کا ذمہ دار کیسے ہوسکتا ہے؟https://t.co/ye3PB3Mi3T
— Suhail Warraich (@suhailswarraich) July 6, 2026
تجزیہ کار نے مزید لکھا کہ اندازہ ہے کہ نائب وزیراعظم اسحق ڈار شدید دُکھّی ہونگے کیونکہ سب سُکھّی انکے درپے ہیں اگر انکے نواسے کی گرفتاری ہوگئی تو اس کے بعد ان کو ذمہ دار ٹھہرانا کسی بھی طرح جائز نہیں کوئی والد اپنے بیٹے کے جرائم کا ذمہ دار کیسے ہوسکتا ہے؟ مذہبی، قانونی اور اخلاقی طور پر انکے سیاسی خیالات اور ان کے سیاسی فیصلوں پر تنقیدبجا لیکن اس معاملے میں انہیں رگڑنا کسی بھی طرح جائز نہیں۔بے شک نواسے کو قانون کی سُولی پر چڑھا دیں مگر نانا کی عزت کا جنازہ نہ نکالیں۔
