حج 2027 کیلیے درخواستوں کی وصولی کی تاریخ میں تبدیلی کر دی گئی

اسلام آباد (قدرت روزنامہ) حج 2027 کیلیے درخواستوں کی وصولی کی تاریخ میں تبدیلی کر دی گئی۔

ذرائع وزارت مذہبی امور کے مطابق حج درخواستیں 17 کی بجائے 18 اگست سے وصول کی جائیں گی، وصولی کا عمل پہلے پیر سے شروع ہونا تھا، درخواستیں اور اخراجات آن لائن اور حبیب بینک کی برانچوں میں جمع ہوں گے جو پہلے آئیے اور پہلے پائیے کی بنیاد پر لی جائیں گی۔

ذرائع وزارت مذہبی امور نے بتایا کہ کوٹہ مکمل ہوتے ہی درخواستوں کی مزید وصولی روک دی جائے گی، حج 2027 کا مجمو عی پاکستانی کوٹہ ایک لاکھ 79 ہزار 210 مقرر ہے، سرکاری حج اسکیم کیلیے 60 فیصد یعنی ایک لاکھ 7 ہزار 526 کا کوٹہ مختص ہے۔

انہوں نے مزید بتایا کہ نجی حج اسکیم کیلیے 40 فیصد یعنی 71 ہزار 684 کا کوٹہ مختص کیا گیا ہے، حج اخراجات دو مساوی اقساط میں عازمین سے وصول کیے جائیں گے، حج درخواست کے وقت پہلی قسط میں نصف حج اخراجات ادا کرنا ہوں گے، درخواستیں اور اخراجات صرف حبیب بینک کے ذریعے وصول کیے جائیں گے۔