امریکا نے ایران کی 27 فضائی کمپنیوں پر پابندیاں عائد کر دیں

امریکہ (قدرت روزنامہ)امریکا نے ایران کی27 فضائی کمپنیوں پر پابندیاں عائد کر دیں۔

امریکی وزیرخزانہ اسکاٹ بیسنٹ نے پابندیوں کا اعلان کرتے ہوئے کہا کہ ایران کے فضائی سپلائی نیٹ ورک کی معاونت پر36 اداروں پر پابندیاں عائد کی گئی ہیں۔

انہوں نے کہا کہ ایران ہتھیاروں اور غیرقانونی سامان کےلیے ایوی ایشن سیکٹر استعمال کرتا ہے ایران کو ہتھیار منتقل کرنے والی ایئرلائنز کو پابندیوں کا نشانہ بنایا گیا ہے۔

اسکاٹ بیسنٹ کا کہنا تھا کہ ایران کی فضائی شعبے کی معاونت کرنے والے نیٹ ورک سےمتعلق رپورٹنگ طلب کرلی جب کہ ایران کی فضائی حدود سے پروازوں کی اجازت دینے والی 3 کمپنیوں کے لائسنس معطل کر دیے۔

انہوں نے بتایا کہ ایران سے لین دین پر غیرملکی مالیاتی اداروں کو پابندیوں کا سامنا ہوسکتا ہے ایرانی ایئرلائنز سے لین دین کرنے والوں کو عالمی مالیاتی نظام سے کٹنے کا خطرہ ہے۔