تحریک عدم اعتماد پر وہی کروں گا جو آئین و قانون کے مطابق ہوگا، اسپیکر قومی اسمبلی

اسلام آباد (قدرت روزنامہ)اسپیکر قومی اسمبلی اسد قیصر نے کہا ہے کہ جو آئین و قانون کے مطابق ہوگا وہی کروں گا . تفصیلات کے مطابق اسد قیصر نے گفتگو کرتے ہوئے کہا کہ ق لیگ والے رابطے میں ہیں، جو بھی ہوگا ق لیگ کے مشورہ سے ہوگا، ق لیگ اور اتحادی ہمارے ساتھ ہیں .

انہوں نے کہا کہ وزیر اعظم نے ناراض اراکین کو منانے کا ٹاسک گورنر سندھ کو دیا تھا، سب ٹھیک ہو جائے گا، غیر آئین کیس اقدام کا سوال ہی پیدا نہیں ہوتا، جو آئین و قانون کے مطابق ہوگا وہی کروں گا .
اس سے قبل چیئرمین سینیٹ صادق سنجرانی سے اسپیکر قومی اسمبلی اسد قیصر نے ملاقات کی جس میں ملکی مجموعی سیاسی صورا تبادلہ خیال کیا گیا .
ذرائع کا کہنا ہے کہ ملاقات میں اپوزیشن کی ممکنہ تحریک عدم پر بھی گفتگو کی گئی . اپوزیشن نے قومی اسمبلی میں تحریک عدم اعتماد جمع کرادی ہے . جس پر 86 ارکان پارلیمنٹ کے دستخط ہیں .