وزیرِ اعظم کی یادگار شہداء پر حاضری

شکرپڑیاں (قدرت روزنامہ)وزیرِ اعظم شہباز شریف نے یومِ دفاع کے موقع پر یادگار پاکستان شکرپڑیاں میں یادگار شہداء پر حاضری دی۔وزیر اعظم نے پاک فوج کے بہادر سپوتوں کو خراجِ تحسین پیش کرنے کے لیے یادگار شہداء پر پھول چڑھائے اور فاتحہ پڑھی۔
شہبازشریف نے پاکستان مانومنٹ پرتقریب سے خطاب کرتے ہوئے کہا کہ آج سیلاب کےحوالےسےپوری قوم یکجا ہے۔

وزیراعظم شہبازشریف کا کہنا ہے کہ پوری قوم آج شہیدوں اورغازیوں کوسلام پیش کرتی ہے، جوان سیلاب متاثرین کی مدد میں پیش پیش ہیں۔انہوں نے کہا کہ تاریخی سیلاب کی تباہ کاریوں اور دیگر مسائل سے نبردآزما ہوتے ہوئے ہمیں آج 1965 کے جذبے کی ضرورت ہے۔
ان کا یہ بھی کہنا ہے کہ قوم کا اتحاد ہی ہماری سب سے بڑی طاقت ہے، آئیں قوم کے اتحاد کے اس رشتے کو مضبوط بنائیں۔