حرا مانی کی کرینہ کپور کے مشہور ڈائیلاگ پر پیروڈی فینز کو بھا گئی، ویڈیو وائرل
کراچی (قدرت روزنامہ)پاکستان کی معروف اداکارہ حرا مانی نے اداکارہ کرینہ کپور کے مشہور ڈائیلاگ پر زبردست پیروڈی کی ہے۔سوشل میڈیا پر ایک ویڈیو وائرل ہو گئی ہے جس میں حرا مانی کو کرینہ کپور کے مشہور ڈائیلاگ پر پیروڈی کرتے ہوئے دیکھا جاسکتا ہے۔
View this post on Instagram
شئیر کی گئی ویڈیو میں اداکارہ کالے رنگ کا مغربی لباس زیب تن کی ہوئی ہیں جس میں وہ بے حد خوبصورت لگ رہی ہیں۔
ویڈیو میں حرا مانی کرن جوہر کی مشہور فلم کبھی خوشی کبھی غم کا ایک مشہور ڈائیلاگ کہتی ہیں کہ کون ہے جس نے ڈوبارہ مڑ کر مجھے نہیں دیکھا اور بس کرو کہہ کر ہنسنے لگتی ہیں۔
اداکارہ کی اس ویڈیو کو ان کے مداحوں کی جانب سے بہت پسند کیا جارہا ہے اور مختلف تبصروں کا سلسلہ بھی جاری ہے۔اس سے قبل اداکارہ نے اپنے انسٹاگرام پر اپنی چند تصاویر پوسٹ کی تھیں جسے مداحوں کی جانب سے بہت پسند کیا گیا تھا ۔
View this post on Instagram
شئیر کی گئی تصاویر میں حرا مانی کو ساڑھی پہنے دیکھا گیا تھا جس میں وہ اور بھی زیادہ حسین لگ رہی تھیں۔انہوں نے اس پوسٹ کو شئیر کرتے ہوئے کیپشن میں لکھا تھا کہ کسی کی خوشی میں خوش ہونا بھی اللہ کو بہت پسند ہے۔
گزشتہ دنوں اداکارہ نے اپنے انسٹاگرام پر ایک تصویر پوسٹ کی تھی جو قومی ٹیم کے کھلاڑی نسیم شاہ کی تھی۔اداکارہ نے تصویر کے کیپشن میں لکھا تھا کہ کیا بات ہے شاہ صاحب کی، کیا جیت تھی، پاکستانی ٹیم نے دل جیت لیا۔