ایشیاکپ2023؛ بھارت کے پاکستان نہ آنے پر چیئرمین پی سی بی کا ردعمل سامنے آگیا
لاہور(قدرت روزنامہ)بھارتی کرکٹ بورڈ (بی سی سی آئی) کی جانب سے ایشیاکپ 2023 میں پاکستان کا دورہ کرنے سے انکار پر چیئرمین پی سی بی رمیز راجہ نے سخت ردعمل دیا ہے . سماجی رابطے کی سائٹ ٹوئٹر پر چیئرمین پی سی بی رمیز راجہ کی ایک ویڈیو وائرل ہورہی ہے جس میں صحافی کے سوال پر انکا کہنا تھا کہ ایشیا کپ یو اے ای منتقل نہیں کیا جائے گا، آپ ہمت تو پکڑیں، اتنے منفی کیوں ہیں، بھارت سب کچھ نہیں ہم بھی بہت کچھ ہیں .
دوسری جانب ایشیا کرکٹ کونسل اور بی سی سی آئی کے سیکریٹری جے شاہ کے بیان پر ترجمان پاکستان کرکٹ بورڈ نے کہا کہ انہوں نے بیان سوچے سمجھے بغیر دیا ہے، جس کے منفی اثرات مرتب ہوں گے .
ترجمان پی سی بی نے کہا کہ جے شاہ کا پاکستان سے ایونٹ منتقلی کا بیان یکطرفہ ہے، ایونٹ کا منتقلی کا بیان انٹرنیشنل کرکٹ کونسل ( آئی سی سی) اور ایشین کرکٹ کونسل (اے سی سی) کو تقسیم کرنے کے مترادف ہے .
When the Chairman PCB Ramiz Raja was asked that if the Indian team does not come to Pakistan to play the Asia Cup, will Pakistan be ready to play at a neutral venue?
Watch @iramizraja's reply 👇
Now: India refuse to travel to Pakistan for #AsiaCup
Video Courtesy : @badizaman007 pic.twitter.com/Hc9xA61zTy— Ghulam Abbas Shah (@ghulamabbasshah) October 19, 2022
انہوں نے کہا کہ 2023 میں بھارت میں شیڈول ورلڈکپ اور 2024 سے 2031 تک بھارت میں شیڈول آئی سی سی کے ایونٹس میں پاکستان کی شرکت پر غیریقینی صورتحال پیدا ہوسکتی ہے . ترجمان نے مزید کہا کہ جے شاہ کی صدارت میں منعقدہ اے سی سی اجلاس میں ایشیا کپ کی میزبانی پاکستان کے سپرد کی گئی تھی، تاہم اے سی سی کے صدر کے بیان پر کوئی باضابطہ وضاحت موصول نہیں ہوئی .
دوسری جانب پاکستان کرکٹ بورڈ (پی سی بی) نے ایشین کرکٹ کونسل (اے سی سی) سے فوری ہنگامی اجلاس بلانے کی درخواست کررکھی ہے . واضح رہے کہ پی سی بی نے بھارت کی جانب سے ایشیا کپ 2023 کے لیے اپنی ٹیم پاکستان نہ بھیجنے کے معاملے پر ایشین کرکٹ کونسل کو خط لکھا ہے جس میں شدید تحفظات کا اظہار کیا ہے .
