فضل الرحمان کا شاہ رخ اور سلمان خان کا نام لینے سے پتہ چلتا ہے وہ بھارتی فلموں سے لطف اندوزہوتے ہیں، ترجمان کے پی کے حکومت

پشاور(قدرت روزنامہ) خیبرپختونخوا حکومت کے ترجمان نے عمران خان سے متعلق مولانا فضل الرحمان کے بیان پر ردعمل کا اظہار کرتے ہوئے کہا ہے کہ مولانا فضل الرحمان کا شاہ رخ اور سلمان کا نام لینے سے پتا چلتا ہے وہ بھارتی فلموں سے لطف اندوزہوتے ہیں۔ایک بیان میں بیرسٹر سیف نے کہا کہ سابق وزیراعظم پرفائرنگ کا مقدمہ کئی دن تک درج نہ ہونا شہباز حکومت کی نااہلی ہے، سپریم کورٹ نہ جاتے تو تاحال یہ ایف آئی آر ہوا میں لٹکی ہوتی۔انہوں نے کہا کہ وزیراعظم اور وزیر داخلہ سمیت وزرا صرف پریس کانفرنسز کرتے رہے جب کہ حکومتی عہدیدار تفتیشی افسر بن کر اس کیس پر رائے دیتے رہے، ملک کے فوجداری قانون کا مذاق اڑایا گیا۔بیرسٹر سیف نے کہا کہ فضل الرحمان کا شاہ رخ اور سلمان خان کا حوالے دینے سے واضح ہوتا ہے کہ وہ بھارتی فلموں سے لطف اندوزہوتے ہیں۔