کراچی (قدرت روزنامہ)کراچی میں اسلامی جمعیت طلبہ کی جانب سے اسلامیہ کالج کو خالی کرانے کے خلاف احتجاجی مظاہرہ کیا گیا۔مظاہرے میں اسلامیہ کالج کی ملکیت کی دعوے دار حسنہ قریشی نے بھی شرکت کی۔
اسلامیہ کالج کے طلباء کی جانب سے احتجاجی طور پر کالج کے باہر کلاس رومز قائم کر کے تعلیمی سلسلہ جاری رکھنے کا فیصلہ کیا گیا ہے۔
کراچی کے تاریخی تعلیمی ادارے اسلامیہ کالج کے طلباء کے ساتھ مجرمانہ برتاؤ کے خلاف اسلامی جمعیت طلبہ کے تحت احتجاجی مظاہرہ کیا گیا۔
مظاہرے میں شریک طلباء کا کہنا ہے کہ اگر کالج خالی کروایا گیا تو ہم کلاسز باہر لیں گے، ہم کالج پر کسی طور پر قبضہ نہیں کرنے دیں گے۔طلباء کی جانب سے قبضے کے خلاف شدید نعرے بازی کی گئی۔
طلباء نے مطالبہ کیا ہے کہ محکمۂ تعلیم سندھ سپریم کورٹ میں کیس کے حوالے سے متحرک کردار ادا کرے اور کالج کو قبضے سے بچایا جائے۔مظاہرے میں اسلامیہ کالج کی ملکیت کی دعوے دار حسنہ قریشی نے بھی شرکت کی۔
میڈیا سے بات کرتے ہوئے ان کا کہنا تھا کہ 1947ء کے بعد میرے دادا اور والد نے تعلیم کو فروغ دینے کے لیے اسلامیہ کالج قائم کیا تھا۔
حسنہ قریشی کا یہ بھی کہنا تھا کہ کے ایم سی سے تعلیم کے لیے پلاٹ لیا گیا تھا، دادا اور ان کے دوستوں نے پیسے لگائے تھے، کالج کے خلاف سندھ حکومت کی کارروائی درست نہیں ہے۔
کوئٹہ (قدرت روزنامہ)صدر ایجو کیشنل ڈویلپمنٹ اینڈ ویلفیئر آرگنائزیشن (EDWO) بلوچستان پر وفیسر عبد الکریم…
حب(قدرت روزنامہ)وزیراعلیٰ بلوچستان کے احکامات کے باوجود لسبیلہ اور حب پولیس جگہ جگہ شاہراہ پر…
پنجگور(قدرت روزنامہ)پنجگور ٹیچنگ اسپتال پنجگور کیلئے سابق 2013 کے دور میں فراہم کرنے والی 20…
کوئٹہ (قدرت روزنامہ)اپوزیشن سیاسی جماعتوں نے چمن میں پرامن دھرنے پرطاقت آزمانے کی شدید مذمت…
کوئٹہ(قدرت روزنامہ)صدر مملکت آصف علی زرداری نے کہا ہے کہ بلوچستان کو ترقی و خوشحالی…
گڈانی(قدرت روزنامہ)گڈانی ہوائی فائرنگ اور چوریاں روز کا معمول بن گئیں جیٹی اور ساحل پر…