وہ ڈرامہ جس کی پیشکش ٹھکرانے کے بعد نور بخاری آج تک پچھتا رہی ہیں

لاہور (قدرت روزنامہ) نور بخاری نے نجی چینل کے کامیاب ڈرامے کی پیشکش کو ٹھکرا کر پچھتاوے کا اظہار کیا ہے، سابق اداکارہ نے حال ہی میں ایک آن لائن انٹرویو کے دوران اپنے ایک ٹیلی ویژن پروجیکٹ کے بارے میں بات کی جس میں کام نہ کرنے پر وہ آج تک پچھتا رہی ہیں۔
ایکسپریس نیوز کے مطابق نور بخاری نے کہا انہیں ڈراما سیریل ’’الف، اللہ اور انسان‘‘ میں کام کرنے کی پیشکش ہوئی تھی۔ اس ڈرامے میں انہیں طوائف کا کردار ادا کرنا تھا لیکن انہوں نے ڈرامے میں کام کرنے سے منع کردیا۔ بعد ازاں یہ کردار ادا کارہ ثنا فخرنے ادا کیا۔نور بخاری نے کہا بعد میں جب میں نے یہ ڈراما ٹی وی پر دیکھا تو مجھے بہت اچھا لگا اور یہ ایک اچھا پروجیکٹ تھا لہذا مجھے اس ڈرامے کی آفر ٹھکرا کر بہت پچھتاوا ہوا اور یہ پچھتاوا آج بھی ہے۔
واضح رہے کہ ڈراما سیریل ’’الف اللہ اور انسان‘‘ پاکستان کے نجی چینل پر 2017 سے 2018 کے درمیان نشر کیا گیا تھا۔ ڈرامے میں اداکارہ اشنا شاہ، میکال ذوالفقار، کبریٰ خان، شہزاد شیخ، عمران اشرف اور ثنا فخر نے ادا کاری کی تھی۔