تنقید کرنے والوں کو سلام، انکی وجہ سے ملکی کرکٹ اوپر جائے گی: محمد رضوان
کراچی(قدرت روزنامہ) قومی کرکٹ ٹیم کے وک کیپر بلے باز محمد رضوان نے کہا کہ تنقید کرنیوالوں کو سلام انکی وجہ سے ملک کی کرکٹ اوپر جائے گی .
کراچی میں پریس کانفرنس کرتے ہوئے محمد رضوان کا کہنا تھا کہ ورلڈکپ بیس لوگوں کاکھیل نہیں ہم سب حصہ دارہیں، نئی چیزوں پر فوکس رکھتے ہوئے ماضی کی باتوں کو بھول کر آگے بڑھنا ہوگا .
محمد رضوان کا کہنا تھا کہ انٹرنیشنل کھیل پریشر کا کھیل ہے، تنقید کرنےوالوں کو سلام کیونکہ وہ پاکستان کیلئےسوچتے ہیں، تنقید سےملک کی کرکٹ اوپرجائےگی .
انہوں نے کہا کہ کراچی کی پچز پنڈی سے مختلف ہیں، پچ اورکنڈیشن اہمیت کی حامل ہوتی ہے اور مختلف کنڈیشنزمیں مختلف نتیجہ ہوتاہے . قومی وکٹ کیپر بلے باز کا مزید کہنا تھا کہ ٹیم میں ہر کھلاڑی کی اپنی اپنی جگہ ہوتی ہے، بیٹنگ آرڈراوپرنیچے کرنامشکل ہوتاہے، پانچ نمبرسےمیں خوش نہیں ہوں مگر یہ ضروری نہیں کہ میں جوچاہوں وہ مجھےملے . انہوں نے کہا کہ میری خواہش ہے کہ میں چارپرکھیلوں، کسی سے شکوہ شکایت نہیں، کپتان اورکوچ کی سوچ مختلف ہوتی ہے، ٹیم میں گیارہ فخرزمان نہیں ہوسکتے، ہماری قوم میں دس بارا کروڑتوکمنٹریٹرہی ہونگے . . .Mohammad Rizwan's press conference ahead of the third ODI in Karachi.#PAKvNZ | #CricketMubarak https://t.co/Qz7QWla0jL
— Pakistan Cricket (@TheRealPCB) May 1, 2023
