جناح ہاؤس حملے میں 260 سے زائد شرپسندوں کی گرفتاری کیلیے فہرستیں تیار

لاہور(قدرت روزنامہ) جناح ہاؤس حملے میں ملوث 260 سے زائد شرپسندوں کی گرفتاریوں کے لیے فہرستیں تیار کرلی گئی ہیں۔

پولیس حکام کے مطابق جناح ہاؤس پر حملہ کرنے والوں،توڑ پھوڑ کرنے والوں اورآگ لگانے والوں کوسخت سزائیں دلوانے کے لیے مزید 260سے زائد شرپسندوں کی گرفتاریوں کے لیے فہرستیں تیار کر لی گئیں۔

گرفتار شرپسندوں کے موبائل میں واٹس ایپس گروپوں سے متحرک کارکنوں کی گرفتاریاں شروع کردی گئی ہیں۔ قیادت اور گرفتارشرپسندوں سے رابطے میں رہنے والے دوسروں کو متحرک کرنے والے کارکنان کی لوکیشنز اور ویڈیوز سے نشاندہی کرکے فہرستیں تیارکی گئی ہیں۔
پولیس کے مطابق واٹس ایپ گروپس میں موجود شرپسندوں کی لوکیشنز اور ویڈیوز حاصل کرلی گئی ہیں۔قیادت کے حکم پر شرپسند کارکنان واٹس ایپ کے ذریعے جناح ہاؤس پہنچے تھے۔شرپسندوں کی گرفتاریوں کے لیے تفتیشی افسران کوگرفتاری کا ٹاسک دے دیا گیا ہے۔