امریکی صدر جوبائیڈن پر جنسی ہراسانی کا الزام لگانے والی خاتون نے روسی شہریت کا مطالبہ کردیا

واشنگٹن (قدرت روزنامہ) سنہ 2020 کی صدارتی مہم کے دوران امریکی صدر جو بائیڈن پر جنسی ہراسانی کا الزام لگانے والی ایک خاتون منگل کو روس کے دارالحکومت ماسکو میں نمودار ہوئی ہے۔ خاتون نے کہا کہ وہ صدر ولادی میر پیوٹن سے روسی شہریت مانگ رہی ہے۔

تارا ریڈ نے 1993 میں بائیڈن کے کانگریسی دفتر میں مختصر مدت کے لیے کام کیا تھا۔ اس نے کہا کہ وہ روس میں رہنا چاہتی ہے کیونکہ اسے ایک ریپبلکن قانون ساز نے بتایا ہے کہ اس کی جان کو خطرہ ہے۔ 59 سالہ ریڈ نے سپوتنک میڈیا گروپ کے ساتھ انٹرویو میں کہا کہ وہ چھٹیاں گزارنے کے لیے روس آئی تھی۔ ‘جب میں ماسکو میں ہوائی جہاز سے اتری، تو بہت طویل عرصے میں پہلی بار میں نے خود کو محفوظ محسوس کیا، اور میں نے محسوس کیا کہ مجھے عزت ملی ہے۔’

جنوبی پنجاب سے تعلق رکھنے والے رہنماؤں کی آصف علی زرداری سے ملاقاتریڈ نے 2020 کے اوائل میں یہ دعویٰ کرکے سرخیوں میں جگہ بنائی تھی کہ اس وقت کے سینیٹر بائیڈن نے اگست 1993 میں کیپیٹل ہل کوریڈور میں اس کے ساتھ جنسی زیادتی کی۔ اس وقت اس کی عمر 29 سال تھی۔ یہ الزام ایک ایسے وقت میں سامنے آیا تھا جب جوبائیڈن کے حریف امیدوار ڈونلڈ ٹرمپ پر بھی جنسی ہراسانی کے الزامات لگائے جا رہے تھے۔