کراچی(قدرت روزنامہ) نامور ٹی وی شو میزبان اور اسکالر مرحوم عامر لیاقت حسین کی سابقہ اہلیہ سیدہ بشریٰ اقبال نے تعلیمی میدان میں اپنی کامیابی کو سابق شوہر کے نام کردیا۔ سیدہ بشریٰ اقبال نے دو سال قبل جامعہ کراچی سے قرآن و سنت میں پی ایچ ڈی کی ڈگری حاصل کی تھی لیکن کورونا وائرس کی وجہ سے دو سال قبل جامعہ کراچی نے طالب علموں کے لیے کونووکیشن کا انعقاد نہیں کیا تھا اور شیخ الجامعہ نے اپنے آفس بلا کر ہی تمام طالب علموں کو اسناد دے دی تھیں۔
اب دو سال بعد جامعہ کراچی نے طالب علموں کی حوصلہ افزائی کے لیے کونووکیشن کی تقریب کا انعقاد کیا جس میں دیگر طالب علموں سمیت سیدہ بشریٰ اقبال کو پی ایچ ڈی کی سند سے نوازا گیا۔اس حوالے سے سیدہ بشریٰ اقبال نے اپنے آفیشل انسٹاگرام ہینڈل پر اپنی ویڈیو پوسٹ کی جس میں انہوں نے فلسطینی اسکارف ‘کیفیہ’ بھی پہنا ہوا ہے۔
سیدہ بشریٰ اقبال نے کہا کہ “الحمدللہ! آج میں نے باضابطہ طور پر کراچی یونیورسٹی کے وائس چانسلر مسٹر خالد عراقی سے قرآن و سنت میں پی ایچ ڈی کی ڈگری حاصل کی “۔اُنہوں نے اسرائیلی افواج کے ہاتھوں نسل کشی کے شکار فلسطینی عوام کو یاد کرتے ہوئے کہا کہ “میں نے کیفیہ پہن کر فلسطین سے اظہار یکجہتی کیا ہے”۔
بشریٰ اقبال نے کہا کہ “میں یہ ڈگری اپنے پیارے مرحوم والدین اور اپنے سابق شوہر مرحوم عامر لیاقت حسین کے نام کررہی ہوں جنہوں نے مجھے ہمیشہ سپورٹ کیا اور میری حوصلہ افزائی کی”۔ آخر میں اُنہوں نے اپنے دونوں بچوں سے مخاطب ہوتے ہوئے کہا کہ “احمد اور دعا میرا مضبوط سپورٹ سسٹم یہ آپ کے لیے ہے”۔
یاد رہے کہ عامر لیاقت حسین نے اپنی پہلی بیوی ڈاکٹر بشریٰ کو سال 2020 میں طلاق دے دی تھی اور 9 جون 2022 کی دوپہر کو عامر لیاقت حسین کراچی میں اپنے گھر میں مردہ پائے گئے تھے انہیں اسپتال منتقل کیا گیا تھا جہاں ان کے انتقال کی تصدیق کی گئی تھی۔
اسلام آباد (قدرت روزنامہ)اسلام آباد ہائی کورٹ نے پیمرا کو ٹی وی چینلز کے خلاف…
پشاور(قدرت روزنامہ) خیبر پختونخوا حکومت آج 1754 ارب روپے کا بجٹ پیش کرے گی، جس…
پشاور(قدرت روزنامہ)وزیراعلیٰ خیبرپختونخواعلی امین گنڈاپورکا کہنا ہے کہ ہم نے مہلت دی ہوئی ہے،جب ٹائم…
لاہور(قدرت روزنامہ ) مسلم لیگ (ن) نے پنجاب میں بلدیاتی اداروں کو بحال اور فعال…
کینبرا (قدرت روزنامہ) سابق کرکٹر رکی پونٹنگ، اینڈی فلاور کے بعد جسٹن لینگر نے بھی…
اسلام آباد(قدرت روزنامہ) دفترخارجہ کا کہنا ہے کہ بیشکیک سے آنے والے طلبا اپنی مرضی…