پنجاب حکومت کی جانب سے فراہم کردہ مفت وائی فائی پوائنٹس میں اضافہ

لاہور(قدرت روزنامہ) پنجاب میں حکومت کی جانب سے مفت وائی فائی پوائنٹس میں اضافہ کردیا گیا .
ترجمان سیف سیٹیز کے مطابق پنجاب میں حکومت کی جانب سے فراہم کردہ مفت وائی فائی سروس کا دائرہ کار مسلسل بڑھ رہا ہے .

لاہور، قصور، ننکانہ صاحب اور شیخوپورہ میں 230 سے زائد مقامات پر مفت وائی فائی سروس کی فراہم کی جا رہی ہے . سیف سٹی لاہور میں 200,قصور 10,شیخوپورہ 15 اور ننکانہ صاحب میں 5 پوائنٹس پر مفت وائی فائی سروس موجود ہے . تین ماہ میں 7.7 ملین صارفین نے 111 ٹی بی ڈیٹا استعمال کیا اور اوسط دستیابی98.7 رہی .
ترجمان کا مزید کہنا تھا کہ فری انٹرنیٹ سہولت سے تعلیم،کاروبار اور سماجی رابطوں میں مدد مل رہی ہے . پنجاب کو ڈیجیٹل صوبہ بنا رہے ہیں . مفت وائی فائی سروس اس سمت میں ایک اہم قدم ہے . شہری مفت وائی فائی سروس سے استفادہ کر کے اپنی روزمرہ کی زندگی کو آسان بنا رہے ہیں .