پاکستان اب ایک اور مارشل لا کا متحمل نہیں ہوسکتا، بلاول بھٹو زرداری

آکسفورڈ (قدرت روزنامہ)چیئرمین پیپلزپارٹی بلاول بھٹو زرداری کا کہنا ہے کہ پاکستان اب ایک اورمارشل لا کا متحمل نہیں ہوسکتا۔ والدہ نے بدلہ لینا نہیں سکھایا اسی لیے کہتا ہوں جمہوریت بہترین انتقام ہے۔
آکسفورڈ یونیورسٹی یونین کے تحت بینظیربھٹو میموریل لیکچر سے خطاب میں بلاول بھٹو نے کہا کہ بینظیر بھٹو خوفزدہ ہوئے بغیر سیاست میں حصہ لیتی رہیں، خواتین پرعائد پابندیوں کے باوجود بینظیربھٹو پاکستان کی وزیراعظم بنیں۔
بلاول بھٹو زرداری نے کہا کہ پاکستان میں خواتین کو آگے آنے کے لیے راستہ کھولا، آج پنجاب کی وزیراعلیٰ بھی ایک خاتون ہیں۔ بینظیر بھٹو کی زندگی پاکستان کا کل بہتر بنانے کےلیے وقف ہوئی۔ بینظیربھٹو کو حملوں میں نشانہ بنانے کی کوشش کی گئی۔
چیئرمین پیپلزپارٹی کا کہنا تھا کہ زندگی پاکستان کا کل بہتر بنانے کے لیے وقف کی۔ پاکستان کا مستقبل آئین کی بالادستی، آزاد عدلیہ، صحافت سے وابستہ ہے۔
بلاول بھٹو نے گفتگو میں کہا کہ نیب ڈریکونین لا ہے ہم اس کے آج بھی مخالف ہیں، سندھ میں پیپلز پارٹی نے صحت کی بنیادی سہولتوں کی فراہمی کو بہتر بنایا ہے۔ بلوچستان میں سکیورٹی صورت حال قابل تشویش ہے، پاکستان کے ایٹمی اثاثے اپنی حفاظت کیلئے ہیں۔