بغیر نوٹیفیکیشن پڑھے بیکری بند کروانا اے سی صاحبہ کو مہنگا پڑگیا
لاہور (قدرت روزنامہ)پنجاب بھر میں دکانیں رات 10 بجے بند کرنے کی پابندی دوبارہ نافذ ہونے کے بعد ایک ویڈیو سوشل میڈیا پر وائرل ہو گئی ہے۔ ویڈیو میں دیکھا جا سکتا ہے کہ اے سی صاحبہ میڈیا اور سیکیورٹی گارڈز کے ہمراہ ایک دکان سیل کرنے پہنچتی ہیں۔ تاہم، دکان کے ملازم نے فوری وضاحت کی کہ یہ دکان نہیں بلکہ بیکری ہے اور اس پر 10 بجے بند ہونے کا قانون لاگو نہیں ہوتا۔
اے سی صاحبہ میڈیا اور گارڈز لے کر ایک دکان سیل کرنے پہنچی تو وہاں کے ملازم نے بتایا کہ میڈیم یہ دکان نہیں بیکری ہے، یہاں 10 بجے بند کرنے والا قانون لاگو نہیں ہوتا pic.twitter.com/BW35Za86dU
— Muqadas Farooq Awan (@muqadasawann) April 1, 2026
ویڈیو وائرل ہونے کے بعد صارفین نے اس پر مختلف ردعمل ظاہر کیے، کچھ نے دکان والے کے موقف کی حمایت کی تو بعض نے حکومتی کارروائی پر سوال اٹھاتے ہوئے اے سی صاحبہ کی کارروائی پر تبصرہ کیا۔
خرم اقبال نے لکھا کہ اے سی صاحبہ کو ان کی ٹیم میں سے کسی نے بھی نہیں بتایا کہ بیکریاں 10 بجے بندش سے مستثنیٰ ہیں۔
اے سی صاحبہ کو اُن کی ٹیم میں سے کسی نے بھی نہیں بتایا کہ بیکریاں 10 بجے بندش سے مستثنی ہیں۔۔!!pic.twitter.com/H59Gx6aw62
— Khurram Iqbal (@khurram143) April 1, 2026
اسد طور لکھتے ہیں کہ پاکستان کی سول سروسز اکیڈمی کو بند کرکے مقابلے کے امتحان کا نظام ختم کرنے کی سخت ضرورت ہے۔ سول سروس اکیڈمی نہ ہوئی ٹک ٹاکرز کی ڈیجیٹل اکیڈمی ہو گئی ایک سے ایک بڑھ کر سطحی ذہنیت کا ٹک ٹاکر ایس ایس پی یا اے سی بن کے گھوم رہا ہے۔
🚨🚨
پاکستان کی سول سروسز اکیڈمی کو بند کرکے مُقابلے کے امتحان کا نظام ختم کرنے کی سخت ضرورت ہے۔ سول سروس اکیڈمی نہ ہوئی ٹک ٹاک رز کی ڈیجیٹل اکیڈمی ہو گئی ایک سے ایک بڑھ کر سطحی ذہنیت کا ٹک ٹاکر ایس ایس پی یا اے سی بن کے گھوم رہا ہے۔ https://t.co/DocXRGrjIT— Asad Ali Toor (@AsadAToor) April 1, 2026
ایک صارف نے لکھا کہ اے سی صاحبہ کو خود قوانین کا علم نہیں اور چھاپہ مارنے پہنچی ہوئی ہیں۔
اے سی صاحبہ کو خود قوانین کا علم نہیں اور چھاپہ مارنے پہنچی ہوئی ہیں۔۔۔ سارے آکھو سبحان اللہ https://t.co/ljToMoD2Ao
— Aftab Ahmad Goraya (@GorayaAftab) April 1, 2026
جاوید بدر نے طنزاً لکھا کہ ٹک ٹاک کے چکر میں بھول گئیں یا حکومتی نوٹیفیکیشن ہی نہیں پڑھا۔
ٹک ٹاک کے چکر میں بھول گئی یا حکومتی نوٹیفیکیشن ہی نہیں پڑھا😂 https://t.co/6XykYp4FZy
— Javed Badar🇵🇰🇵🇰🇵🇰 (@jkhanbadar) April 1, 2026
واضح رہے کہ پنجاب حکومت نے رمضان کے دوران دیے گئے خصوصی ریلیف کے بعد پرانا شیڈول بحال کرتے ہوئے مارکیٹس، شاپنگ مالز اور دکانوں کے لیے رات 10 بجے بند ہونے کی پابندی دوبارہ نافذ کر دی ہے۔ اس فیصلے کے تحت تمام تجارتی مراکز مقررہ وقت کے مطابق بند ہوں گے۔
