بجلی میٹر کی ریڈ لائٹ تیز چمک رہی ہے؟ پہلے یہ چیز چیک کریں

اسلام آباد(قدرت روزنامہ)اگر گھر میں بجلی کا استعمال معمول کے مطابق ہے لیکن اس کے باوجود بجلی کا بل زیادہ آ رہا ہے اور میٹر کی ریڈ لائٹ تیز چمک رہی ہے تو لوگ فوراً میٹر بدلوانے کے چکر میں پڑ جاتے ہیں۔ میٹر کو خراب سمجھنے کے بجائے گھر کی وائرنگ بھی ضرور چیک کروائیں۔ بعض اوقات معمولی سی وائرنگ خرابی کی وجہ سے بجلی کا استعمال بڑھ جاتا ہے اور میٹر تیزی سے چلنے لگتا ہے۔

اگر میٹر میں لال بتی بہت تیز جل رہی ہے تو ضروری نہیں کہ قصور میٹر کا ہی ہو۔ زیادہ تر ایسا گھر کی اندرونی تاروں میں خرابی کی وجہ سے ہوتا ہے۔

سب سے پہلے اپنے گھر کے تمام پنکھے، بورڈ اور تاروں کو کسی اچھے کاریگر سے چیک کروائیں۔

کئی بار گھر کے کسی پنکھے والے ڈبے میں تاروں کا ربڑ خراب ہو جاتا ہے اور کرنٹ زمین یا دوسری جگہ جانے لگتا ہے، جس کی وجہ سے میٹر بہت تیز چلنے لگتا ہے اور بل بہت زیادہ آ جاتا ہے۔

اس کے لیے الیکٹریشن سے کہیں کہ گھر میں موجود پنکھے، بلب، فریج، ٹی وی اور دیگر برقی آلات کتنا بجلی کا لوڈ لے رہے ہیں، یہ چیک کرے۔ اس کے ساتھ گھر کے ہر سوئچ بورڈ، پلگ اور بجلی کے کنکشن کو بھی اچھی طرح دیکھنا ضروری ہے۔

کئی مرتبہ خرابی اتنی معمولی ہوتی ہے جو نظر بھی نہیں آتی، لیکن اس کی وجہ سے بجلی مسلسل استعمال ہوتی رہتی ہے اور وہ میٹر کی رفتار بڑھا دیتی ہے۔

مثال کے طور پر کسی پنکھے کے باکس میں تار کی انسولیشن خراب ہو جائے اور وہ بجلی کے کنڈکٹیو حصے سے جڑنے لگے تو اس سے بجلی کا غیر معمولی استعمال ہو سکتا ہے۔ نتیجتاً میٹر تیزی سے چلنے لگتا ہے اور بل بھی توقع سے زیادہ آ سکتا ہے۔

تاہم، میٹر کی سرخ لائٹ کے رویے کو سمجھنا بھی ضروری ہے۔ اگر ریڈ لائٹ پہلے مسلسل جلتی رہے اور کچھ دیر بعد خود بخود تیزی سے بلنک ہونے لگے تو ایسی صورت میں میٹر میں خرابی کا امکان ہو سکتا ہے۔ اس صورتحال میں میٹر کو متعلقہ ماہر یا بجلی فراہم کرنے والے ادارے سے چیک کروانا چاہیے۔

بجلی کا بل اچانک بڑھنے کی صورت میں گھر کی وائرنگ کو نظر انداز نہیں کرنا چاہیے، کیونکہ بجلی کی خرابی نہ صرف اضافی بل کا سبب بن سکتی ہے بلکہ بعض حالات میں شارٹ سرکٹ اور دیگر خطرات بھی پیدا کر سکتی ہے۔

البتہ یہ بھی دھیان رکھنا ضروری ہے کہ اگر میٹر کی لال بتی جھپکنے کے بجائے ایک ہی جگہ لگاتار جلتی رہے اور پھر کچھ دیر بعد خود ہی جلنے بجھنے لگے، تو یہ واقعی میٹر کی اپنی خرابی ہو سکتی ہے۔ ایسی حالت میں پھر میٹر کو ہی چیک کروانا بہتر ہوتا ہے۔