قدرت کا کرشمہ،پشاور میں خاتون کے ہاں بیک وقت 6 بچوں کی پیدائش
پشاور(قدرت روزنامہ) قدرت کا کرشمہ،پشاور میں خاتون کے ہاں بیک وقت 6 بچوں کی پیدائش، بچوں میں پانچ بیٹیاں اور ایک بیٹا شامل . تفصیلات کے مطابق صوبہ خیبرپختونخوا کے دارالحکومت پشاور کے لیڈی ریڈنگ اسپتال میں خاتون کے ہاں بیک وقت 6 بچوں کی پیدائش ہوئی ہےاسپتال انتظامیہ کے مطابق بچوں میں پانچ بیٹیاں اور ایک بیٹا شامل ہے جبکہ بچوں اور ماں کی صحت تسلی بخش ہے .
خیال رہے کہ اس سے قبل صوبہ خیبرپختونخوا کے شہر ایبٹ آباد کے نجی اسپتال میں بھی خاتون کے ہاں بیک وقت 7 بچوں کی پیدائش ہوئی تھی . بیک وقت پیدا ہونے والے سات بچوں میں سے چھ انتقال کرگئے تھے . ایوب ٹیچنگ اسپتال کے ترجمان کا کہنا تھا کہ سات میں سے چھ بچے فوت ہوگئے ، جبکہ زندہ رہ جانے والے بچےکی حالت بھی تشویشناک بتائی گئی تھی . انہوں نے کہا کہ بچے کا موجودہ وزن ایک کلو ہے . ایوب ٹیچنگ اسپتال میں بچے کو تمام تر ضروری سہولیات دی جا رہی ہیں .
