پاک بھارت تعلقات میں اہم پیشرفت، وفاقی وزیر مصدق ملک نئی دہلی پہنچ گئے

نئی دہلی (قدرت روزنامہ)وفاقی وزیر برائے موسمیاتی تبدیلی ڈاکٹر مصدق ملک شنگھائی تعاون تنظیم کے سیویلائزیشنل ڈائیلاگ فورم میں شرکت کے لیے نئی دہلی پہنچ گئے ہیں، جہاں وہ پاکستانی وفد کی قیادت کریں گے۔

نئی دہلی آمد پر پاکستان کے ناظم الامور نے وفاقی وزیر کا پرتپاک استقبال کیا۔

سیویلائزیشنل ڈائیلاگ فورم کے دوران ایس سی او کے رکن ممالک کے مشترکہ تہذیبی ورثے، تاریخی روابط اور ثقافتی تعلقات کے فروغ پر تفصیلی تبادلہ خیال کیا جائے گا۔

پاکستانی وفد کی اس شرکت کا بنیادی مقصد خطے کے مشترکہ تہذیبی ورثے کو اجاگر کرنا اور رکن ممالک کے مابین ثقافتی تعاون کو مزید مستحکم بنانا ہے۔

WhatsApp
Get Alert