لندن (قدرت روزنامہ)سوشل میڈیا اسٹار حریم شاہ کا کہنا ہے کہ میرے چرچے ایسے ہو رہے ہیں جیسے بانیٔ متحدہ کو پکڑ کر پاکستان لے گئے ہیں۔لندن میں ’جیو نیوز‘ سے گفتگو کرتے ہوئے سوشل میڈیا اسٹار حریم شاہ نے بتایا کہ اپنے بینک اکاؤنٹس منجمد ہونے سے متعلق خبروں کا میڈیا کے ذریعے پتہ چلا۔
انہوں نے کہا کہ ایف آئی اے کو مجھ سے پتہ نہیں کیا ذاتی خلش ہے، اسے کیا حق ہے کہ میری ذاتی دستاویزات میڈیا کو دے۔حریم شاہ نے کہا کہ خطروں کی کھلاڑی ہوں، خائف ہونے والی نہیں، میں نے منی لانڈرنگ سے متعلق ویڈیو مذاق میں بنائی تھی، غلطی تسلیم کرتی ہوں۔
ان کا کہنا ہے کہ میرے اکاؤنٹس منجمد کرنا ہیں تو ثبوت بھی فراہم کرنے ہوں گے، پاکستان جا کر ہر ادارے کے ساتھ تعاون کرنے کے لیے تیار ہوں۔ٹک ٹاک اسٹار نے کہاکہ میری تمام آمدنی قانونی ہے اور ریکارڈ شفاف ہے، ہمارے اداروں کا کام ہماری حفاظت کرنا ہے تنگ کرنا نہیں۔انہوں نے کہا کہ میرا کسی اور کے نام پر بھی کوئی اکاؤنٹ نہیں، شہزاد اکبر نے اپنی بےعزتی خود کرائی، ان کے مجھ سے متعلق خط کو یہاں کسی ادارے نے کوئی اہمیت نہیں دی۔
حریم شاہ نے مزید کہ کہ شہزاد اکبر کے چیلے اب بھی میرا میڈیا ٹرائل کرنا چاہتے ہیں، لندن میں انجوائے کر رہی ہوں کسی برطانوی ادارے نے مجھ سے رابطہ نہیں کیا۔پاکستانی ٹک ٹاک اسٹار نے یہ بھی کہا کہ میرے تمام دعوے ثبوتوں کے ساتھ ہوتے ہیں، الزام لگانے والوں کا مقصد صرف میری کردار کشی ہے۔
اسلام آباد(قدرت روزنامہ)تحریک انصاف کے ترجمان نے کہا ہے کہ چیف جسٹس کی مدت ملازمت…
اسلام آباد(قدرت روزنامہ)چئیرمین پی اے سی کے انتخاب کے معاملے میں شیر افضل مروت کے…
اسلام آباد(قدرت روزنامہ) پی ٹی اے نے ایف بی آر کو پانچ لاکھ سے زائد…
اسلام آباد(قدرت روزنامہ) صدر مملکت آصف علی زرداری نے تین صوبوں کے گورنر کے لیے…
لاہور (قدرت روزنامہ)سینٹرل سپیریئر سروسز (سی ایس ایس) امتحان 2023 کے نتائج کا اعلان کر…
ڈیرہ غازی خان (قدرت روزنامہ)ڈیرہ غازی خان کے علاقے چورہٹہ میں خالہ نے پیٹرول چھڑک…