ثانیہ مرزا کی پی ایس ایل جیتنے پر محمد حفیظ کو مبارک باد

لاہور (قدرت روزنامہ)بھارتی ٹینس اسٹار اور شعیب ملک کی اہلیہ ثانیہ مرزا نے پی ایس ایل کے فائنل میں عمدہ کارکردگی کا مظاہرہ کرنے اور لاہور قلندر کے ٹائٹل جیتنے پر آل راؤنڈر محمد حفیظ کو مبارک باد دی ہے .
اپنے ٹوئٹر اکاؤنٹ سے ثانیہ مرزا نے محمد حفیظ کو ٹیگ کرتے ہوئے ان کی ٹرافی اور فیملی کے ہمراہ تصاویر بھی شیئر کی ہیں .

Hafeez bhai the great 👏🏽 👏🏽 congratulations to you guys .. well done @MHafeez22 https://t.co/pby4fZ9e7x

— Sania Mirza (@MirzaSania) February 28, 2022

ثانیہ مرزا نے کہا کہ حفیظ بھائی آپ عظیم ہیں اور ٹیم کے تمام لڑکوں نے پی ایس ایل میں بہترین پرفارم کیا ہے، جس پر میں آپ لوگوں کو مبارک باد دیتی ہوں . واضح رہے کہ پاکستان سپر لیگ (پی ایس ایل) 7 میں ایونٹ کی فیورٹ اور دفاعی چیمپئن ملتان سلطانز کو شکست دے کر لاہور قلندرز پہلی بار چیمپئن بن گئی ہے .
قذافی اسٹیڈیم لاہور میں کھیلے گئے فائنل میں لاہور قلندرز نے ملتان سلطانز کو 42 رنز سے شکست دے کر پی ایس ایل کے چیمپئن کا تاج اپنے سر پر سجالیا . محمد حفیظ کو شاندار آل راؤنڈر پرفارمنس پر میچ کا بہترین کھلاڑی قرار دیا گیا .